ഏറ്റുമാനൂര് മഹാദേവ ക്ഷേത്രത്തിന് മുകളിലൂടെ ഡ്രോണ് പറത്തി ദൃശ്യങ്ങള് പകര്ത്തിയ യുവാവ് കസ്റ്റഡിയില്. ഏറ്റുമാനൂര് മങ്കര കലുങ്ക് സ്വദേശി തോമസിനെ (37) ആണു പൊലീസ് കസ്റ്റഡിയിലെടുത്തത്. തിങ്കളാഴ്ച രാവിലെ 8.30 ഓടെയായിരുന്നു സംഭവം. ക്ഷേത്രത്തിന് മുകളിലൂടെ ഡ്രോണ് പറക്കുന്നത് ശ്രദ്ധയില്പ്പെട്ട ജീവനക്കാരാണ് പൊലീസില് വിവരമറിയിച്ചത്.
തുടര്ന്ന് പോലീസെത്തി തോമസിനെ പിടികൂടുകയായിരുന്നു. യൂട്യൂബ് ചാനലില് അപ് ലോഡ് ചെയ്യാന് വേണ്ടിയാണ് ദൃശ്യങ്ങള് പകര്ത്തിയതെന്നാണ് ഇയാളുടെ മൊഴി. സംഭവത്തില് മറ്റ് ദുരൂഹതകളില്ലെന്നാണ് പൊലീസിന്റെ നിഗമനം. ക്ഷേത്രജീവനക്കാരുടെ മൊഴി രേഖപ്പെടുത്തിയ ശേഷം യുവാവിനെതിരേ കേസെടുത്തേക്കും.
0 Comments