മാണി ഗ്രൂപ്പ് എൽഡിഎഫിന്റെയും പിണറായി വിജയന്റെയും പേര് പറഞ്ഞു വോട്ട് തേടാനുള്ള ആർജ്ജവം കാണിക്കണം: ആൻ സെബാസ്റ്റ്യൻ

വരാനിരിക്കുന്ന പാലാ നഗരസഭാ തിരഞ്ഞെടുപ്പിൽ ഇടതുമുന്നണിയുടെ ലേബലിൽ വോട്ട് ചോദിക്കാനുള്ള ആർജ്ജവം കേരള കോൺഗ്രസ് മാണി ഗ്രൂപ്പ് സ്ഥാനാർത്ഥികൾ കാണിക്കണമെന്ന വെല്ലുവിളിയുമായി കെഎസ്‌യു സംസ്ഥാന ഉപാധ്യക്ഷ ആൻ സെബാസ്റ്റ്യൻ. തെരഞ്ഞെടുപ്പ് കാലമാകുമ്പോൾ കേരള കോൺഗ്രസ് മാണി ഗ്രൂപ്പുകാർ വീടുകളിൽ എത്തി വോട്ട് ചോദിക്കുന്നത് യുഡിഎഫ് ലേബലിൽ ആണെന്ന് പരിഹസിച്ച കെഎസ്‌യു നേതാവ് ഓരോ തെരഞ്ഞെടുപ്പ് കാലത്തും ഇവർ നടത്തുന്നത് ഉടൻതന്നെ യുഡിഎഫിൽ എത്തുമെന്ന് പ്രചരണം ആണെന്നും ചൂണ്ടിക്കാട്ടി. പാലായിൽ ജോസ് കെ മാണിയും നഗരസഭാ ഭരണകൂടവും ചൂണ്ടിക്കാട്ടുന്ന വികസനങ്ങൾ എല്ലാം യുഡിഎഫ് അധികാരത്തിൽ ഇരുന്നപ്പോൾ ഉണ്ടായിട്ടുള്ളതാണെന്നും ആൻ അവകാശപ്പെട്ടു. കോൺഗ്രസ് പാലാമണ്ഡലം കമ്മിറ്റിയുടെ ആഭിമുഖ്യത്തിൽ മുനിസിപ്പൽ ഓഫീസിനു മുന്നിൽ സംഘടിപ്പിച്ച കുറ്റവിചാരണ സദസ്സ് ഉദ്ഘാടനം ചെയ്ത് സംസാരിക്കുകയായിരുന്നു ആൻ സെബാസ്റ്റ്യൻ. 

.കോൺഗ്രസ് പാലാ മണ്ഡലം കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച കുറ്റവിചാരണ ചടങ്ങിൽ മണ്ഡലം പ്രസിഡൻറ് തോമസക്കുട്ടി നെച്ചിക്കാട്ട് അധ്യക്ഷത വഹിച്ചു. ജനറൽ ആശുപത്രിയുടെ കെട്ടിടങ്ങളിലെ സുരക്ഷാ വീഴ്ചയും, ജൈവ മാലിന്യ സംസ്കരണ വിഷയത്തിൽ മുനിസിപ്പാലിറ്റിയുടെ ഭാഗത്തു നിന്നുള്ള അലംഭാവവും, തെരുവ് നായ പ്രശ്നവും, നഗരത്തിലെ വെള്ളക്കെട്ടും, മുനിസിപ്പൽ ടാക്സ് നിർണയത്തിലെ അപാകതകളും, തകർന്നു കിടക്കുന്ന മുനിസിപ്പൽ സിന്തറ്റിക് ട്രാക്കിന്റെ പുനരുദ്ധാരണവും, ലണ്ടൻ ബ്രിഡ്ജിന്റെയും ഓഡിറ്റോറിയത്തിന്റെയും ദയനീയ അവസ്ഥയും, ഭരണസമിതിയിലെ അധികാര തർക്കങ്ങളും, ഭരണസമിതി അംഗങ്ങൾ നടത്തുന്ന ക്രമക്കേടുകളും എണ്ണമിട്ട് നിരത്തിയാണ് കുറ്റവിചാരണ സദസ്സ് സംഘടിപ്പിച്ചത്.

.ചടങ്ങിൽ കോൺഗ്രസ് നേതാക്കളായ പ്രൊഫ. സതീശ് ചൊള്ളാനി, ഷോജി ഗോപി, സാബു എബ്രഹാം, ബിബിൻ രാജ്, സന്തോഷ് മണർകാട് ,ടോണി തൈപ്പറമ്പിൽ, തോമസ് ആർ വി ജോസ്, തോമസുകുട്ടി മുക്കാല, സന്തോഷ് കുര്യത്ത്, ജോസ് പനയ്ക്കച്ചാലിയിൽ, സണ്ണി വി സക്കറിയ, ജോയ് മഠം, എ എസ് തോമസ്, വിജയകുമാർ തിരുവോണം, ആനി ബിജോയ് ലിസിക്കുട്ടി മാത്യു, മായാ രാഹുൽ, തോമസ് ചെറുവള്ളിയിൽ, കെഎം മാത്യു, പി ജെ ജോസഫ് പുളിക്കൽ, ടോണി ചക്കാലയിൽ, ജോർജുകുട്ടി ചെമ്പകശ്ശേരിയിൽ, ജോയി പുളിക്കൽ, ശശി ചെത്തിമറ്റം, സണ്ണി ചക്കൻകുളം, റോണി മനയാനിയിൽ, അലക്സ് കൂട്ടിയാനിയിൽ, ഒ എസ് പ്രകാശ് രാജൻ ചെട്ടിയാർ നിബിൻ അപ്പച്ചൻ മാന്താടി അനിജിത്ത്, മനോജ് വള്ളിച്ചിറ എന്നിവർ സംസാരിച്ചു

.

 വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ