കടപ്പാട്ടൂർ ശ്രീമഹാദേവ ക്ഷേത്രത്തിലെ വിഗ്രഹദർശന ദിനാഘോഷം തിങ്കളാഴ്‌ച

കടപ്പാട്ടൂർ ശ്രീമഹാദേവ ക്ഷേത്രത്തിലെ വിഗ്രഹദർശന ദിനാഘോഷം ജൂലൈ 14-ാം തീയതി തിങ്കളാഴ്‌ച നടക്കുമെന്ന് ഭാരവാഹികൾ പാലാ മീഡിയ ക്ലബ്ബിൽ നടന്ന വാർത്താ സമ്മേളനത്തിൽ അറിയിച്ചു.

 വിശേഷാൽ പൂജകൾ, ധാരാനാമജപം, മഹാ പ്രസാദഊട്ട് എന്നീ ചടങ്ങുകളോടെ ക്ഷേത്രം തന്ത്രി ബ്രഹ്മശ്രീ. പറമ്പൂരില്ലത്ത് നീലകണ്ഠൻ, നാരയണൻ ഭട്ടതിരിപ്പാടിൻ്റെയും മേൽശാന്തി മനോജ് നമ്പൂതിരി യുടേയും മുഖ്യകാർമ്മികത്വത്തിൽ ആഘോഷിക്കും.

65-ാമതു വിഗ്രഹദർശനവാർഷികദിനമായ ജൂലൈ 14-ാം തീയതി പുലർച്ചെ 5ന് നടതുറക്കൽ, വിശേഷാൽപൂജകൾ, അഭിഷേകങ്ങൾ, 6മുതൽ ധാരാ നാമജപം 9.30 മുതൽ മഹാപ്രസാദഊട്ട്, വിഗ്രഹദർശന സമയമായ 2.30ന് വിശേ ഷാൽ ദീപാരാധന, 2.45മുതൽ തിരുവരങ്ങിൽ സംഗീതാർച്ചന, സോപാനസംഗീത സമന്വയം, വൈകിട്ട് 6.30ന് ദീപാരാധന, 7മുതൽ വീരനാട്യം 8.30ന് ഭരതനാട്യം, 9.30ന് കൈകൊട്ടിക്കളി എന്നിവയാണ് പ്രധാന പരിപാടികൾ.byte.. ക്ഷേത്രത്തിൽ എത്തിച്ചേരുന്ന മുഴുവൻ ഭക്തജനങ്ങൾക്കും ലഭ്യമാകും വിധം ഭക്തജനങ്ങൾ സമർപ്പിച്ച ഉൽപ്പന്നങ്ങളാൽ തയ്യാറാക്കിയ മഹാപ്രസാദഊട്ടിന് 501 പറ അരി യുടെ വിഭവങ്ങളാണ് തയ്യറാക്കുന്നത്. രാവിലെ 9.30ന് ഭാഗവതകോകിലം ബ്രഹ്മശ്രീ മള്ളിയൂർ പരമേശ്വരൻ നമ്പൂതിരി ഭദ്രദീപം തെളിക്കുന്നതോടുകൂടി മഹാപ്രസാദഊട്ടിനു തുടക്കമാകും. കൂടപ്പുലം മണിക്കുട്ടൻ്റെ നേതൃത്വത്തിലുള്ള ആദിത്യ കേറ്ററിംഗാണ് മഹാപ്രസാദ ഊട്ടിനുള്ള വിഭവങ്ങൾ തയ്യാറാക്കുന്നത്. 151 കിലോ ശർക്കരയുടെ പ്രസാദവിതരണവും ഇതോടനുബന്ധിച്ചുണ്ടാകും.

.പൂർണ്ണ ശിവസാന്നിദ്ധ്യത്തോടെ ദക്ഷിണാമൂർത്തി സങ്കല്‌പത്തിൽ കുടി കൊള്ളുന്ന ഈ ക്ഷേത്രസന്നിധി അഭീഷ്‌ട കാര്യസിദ്ധി, വിദ്യാവിജയം, വിവാഹ തടസ്സങ്ങൾ നീങ്ങുന്നതിനും, ദീർഘമാംഗല്യത്തിനും, സർവ്വദുരിതങ്ങൾ നീങ്ങുന്ന തിനും ഉത്തമമായ സങ്കേതമാണ്. വിവിധദ്രവ്യങ്ങൾകൊണ്ടുള്ള ധാര, അഷ്‌ടാഭി ഷേകം, ചന്ദനം ചാർത്ത്, ഉമാമഹേശ്വരപൂജ, സ്വയംവരാർച്ചന, വിദ്യാഗോപാലമ ന്ത്രാർച്ചന, ചതുശ്ശതനിവേദ്യം എന്നീ വഴിപാടുകൾ പ്രധാനവുമാണ്. സാധാരണ ശിവക്ഷേത്രങ്ങളിൽ ലിംഗ പ്രതിഷ്‌ഠയാണുള്ളത്. എന്നാൽ ദക്ഷിണഭാരതത്തിൽ ശിവഭഗവാന്റെ രൂപമാർന്നുള്ള പ്രതിഷ്‌ഠയുള്ള ഏക ശിവക്ഷേത്രമെന്നുള്ളത് കട പ്പാട്ടൂർ ക്ഷേത്രത്തിൻ്റെ പ്രത്യേകതയാണ്.

.ഈവർഷത്തെ കർക്കിടകവാവുബലി ജൂലൈ 24-ാം തീയതി വ്യാഴാഴ്‌ച രാവിലെ 5 മുതൽ ക്ഷേത്രക്കടവിൽ കീച്ചേരിൽ നാരായണൻനമ്പൂതിരിയുടെ മുഖ്യകാർമ്മികത്വത്തിൽ നടക്കും. അന്നേദിവസം ക്ഷേത്രത്തിൽ തിലഹോമം, നമ സ്ക്‌കാരം, കൂട്ടനമസ്‌കാരം, വിഷ്‌ണുപൂജ എന്നിവയും നടക്കും.

ആഘോഷചടങ്ങുകളുടെ എല്ലാ ഒരുക്കങ്ങളും പൂർത്തിയായതായി ദേവസ്വം ഭാരവാഹികളായ മനോജ് ബി നായർ, എൻ ഗോപകുമാർ, ബാബു കെ ആർ, രവി കരുവാകുളം, ഗോപിനാഥൻ നായർ എന്നിവർ അറിയിച്ചു.

 വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ