പാലാ രൂപതയുടെ മുഖമാണ് കുടുംബ കൂട്ടായ്മ എന്നും കുടുംബ കൂട്ടായ്മയുടെ പ്രവർത്തനങ്ങൾ മറ്റ് രൂപതകൾക്ക് മാതൃകയാണെന്നും പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട് പറഞ്ഞു. സമുദായ ശാക്തീകരണ വർഷത്തിന്റെ ഭാഗമായി രൂപത കുടുംബ കൂട്ടായ്മയുടെ 2025 - 26 വർഷത്തെ കർമ്മ പരിപാടികളുടെ മാർഗരേഖ പ്രകാശനം ചെയ്യുകയായിരുന്നു ബിഷപ്പ്. നമ്മുടെ കുടുംബങ്ങൾ സംരക്ഷിക്കപ്പെടണമെന്നും കുടുംബങ്ങളിലെ ഓരോ വ്യക്തിയും ശാക്തീകരിക്കപ്പെടണമെന്നും അതിനായി അടിത്തട്ടിലിറങ്ങി പ്രവർത്തിക്കണമെന്നും ബിഷപ്പ് മാർ ജോസഫ് കല്ലറങ്ങാട്ട് പറഞ്ഞു.
രൂപതാ പ്രസിഡന്റ് സെബാസ്റ്റ്യൻ ജോസഫ് പയ്യാനി മണ്ഡപത്തിൽ അധ്യക്ഷത വഹിച്ചു. മോൺ. സെബാസ്റ്റ്യൻ വേത്താനത്ത്, കുടുംബ കൂട്ടായ്മ ഡയറക്ടർ ഫാ. ജോസഫ് അരിമറ്റം, അസി. ഡയറക്ടർ ഫാ. പോൾ കുന്നുംപുറത്ത്, സെക്രട്ടറി ബാബു പോൾ പെരിയപ്പുറം എന്നിവർ പ്രസംഗിച്ചു.
.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments