ചെറുപുഷ്പം മിഷൻ ലീഗിന്റെ ആദ്യകാല ഡയറക്ടറും, ഡി എസ് ടി, എം എസ് ടി സഭകളുടെ സ്ഥാപകരിൽ ഒരാളുമായ ഫാ. അബ്രഹാം ഈറ്റയ്ക്കക്കുന്നേലിന്റെ അൻപതാം ചരമവാർഷിക അനുസ്മരണ സമ്മേളനം നവംബർ 2 ശനിയാഴ്ച രാവിലെ ഭരണങ്ങാനം സെൻമേരിസ് ഫെറോന ചർച്ച് ഓഡിറ്റോറിയത്തിൽ നടത്തപ്പെടുന്നു. കേരളത്തിലെ അനേകം വൈദികർക്കും സന്യസ് തർക്കും മാർഗ്ഗദീപമായ ഫാ. അബ്രഹാം ഈറ്റയ്ക്കക്കുന്നേലിന്റെ അനുസ്മരണ സമ്മേളനം സീറോ മലബാർ സഭയുടെ മുൻമേജർ ആർച്ച് ബിഷപ്പ് കർദിനാൾ മാർ ജോർജ് ആലഞ്ചേരി നിർവഹിക്കും.
കുടുംബയോഗം പ്രസിഡന്റ് പ്രമോദ് ഈറ്റയ്ക്കക്കുന്നേൽ അധ്യക്ഷത വഹിക്കുന്ന യോഗത്തിൽ പാലാ രൂപതാ ബിഷപ്പ് മാർ ജോസഫ് കല്ലറങ്ങാട്ട് മുഖ്യപ്രഭാഷണം നടത്തും.റ്റി. ജെ ജോസഫ് തോട്ടക്കര രചിച്ച' സീറോ മലബാർ സഭ ആഗോള സഭയ്ക്ക് നൽകിയ പൊൻമുത്ത് ' അനുസ്മരണ പുസ്തകത്തിന്റെ പ്രകാശനം കർദിനാൾ നടത്തും.
ഫാ. അബ്രഹാം ഈറ്റയ്ക്കക്കുന്നേൽ മെമ്മോറിയൽ എഡ്യൂക്കേഷൻ ചാരിറ്റബിൾ ട്രസ്റ്റിന്റെ ഉദ്ഘാടനം മന്ത്രി റോഷി അഗസ്റ്റിൻ നിർവഹിക്കും.
ഗവൺമെന്റ് ചീഫ് വിപ്പ് ഡോ. എൻ ജയരാജ്, ജോസ് കെ മാണി എംപി, സെബാസ്റ്റ്യൻ കുളത്തുങ്കൽ എംഎൽഎ, മോൺസിഞ്ഞോർ ഡോ. ജോസഫ് മലേപ്പറമ്പിൽ,ഫാ. സക്കറിയാസ് ആട്ടപ്പാട്ട്, ഫാ.സിറിൽ തയ്യിൽ, ജോസ് മാത്യു, ഡോ. നോയൽ മാത്യൂസ്, ഡോ. രാജേഷ് ബേബി, ജോയിസൺ ജോസഫ്, ജോർജ് സെബാസ്റ്റ്യൻ തുടങ്ങിയവർ പ്രസംഗിക്കും. വാർത്താ സമ്മേളനത്തിൽ പ്രമോദ് ഫിലിപ്പ് ജോസ് മാത്യു ജോർജ് സെബാസ്റ്റ്യൻ, ഡോ നോയൽ മാത്യുസ് തുടങ്ങിയവർ പങ്കെടുത്തു
വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ
0 Comments