അപകടസമയത്ത് മേഴ്‌സിയും മകൻ ജിജോയും ബന്ധുവീട്ടിലായിരുന്നതിനാൽ അപകടത്തിൽപെടാതെ രക്ഷപെട്ടു. ബുധനാഴ്ച വൈകിട്ട് ആറ് മണിയോടെയാണ് അപകടം. ലോറി ഓടിച്ചിരുന്ന ആലപ്പുഴ സ്വദേശി അനൂപ് നിസാര പരിക്കുകളോടെ രക്ഷപെട്ടു. മണ്ണംഞ്ചേരി സ്വദേശിയുടെ ഉടമസ്ഥഥതയിലുള്ള ലോറിയാണ് അപകടത്തിൽപെട്ടത്.
വീടിന്റെ ചുറ്റുമതിൽ തകർത്ത് മുറ്റത്തെത്തിയ ലോറി കാർ പോർച്ച് തകർത്താണ് നിന്നത്. പോർച്ചിന്റെ തൂണുകൾ പൂർണമായും തകർന്നു. അതോടൊപ്പം വീടിന്റെ ചുറ്റുമുള്ള ഭിത്തികൾത്ത് വിള്ളലും സംഭവിച്ചു. അപകടത്തിൽ ലോറിയുടെ കാബിനും പൂർണമായും തകർന്നു. കാബിനുള്ളിൽ കുടുങ്ങിയ ഡ്രൈവറെ നാട്ടുകാർ ഏറെനേരം പരിശ്രമിച്ചിട്ടാണ് പുറത്തെടുത്തത്.
മൂന്നിലവ് പഞ്ചായത്തിലെ നെല്ലാപ്പാറയിലെ കരിങ്കൽ ക്വാറിയിൽ നിന്നുള്ള ടോറസ് ലോറിയാണ് അപകടമുണ്ടാക്കിയത്. അപകടസമയത്ത് അനീഷിന്റെ വീട്ടുമുറ്റത്ത് നിർത്തിയിട്ടിരുന്ന രണ്ട് കാറുകൾക്കും രണ്ട് ഇരുചക്ര വാഹനങ്ങൾക്കും കേടുപാടുകൾ സംഭവിച്ചു.
0 Comments