അദ്ധ്യാപക ദിനത്തിൽ വിദ്യാർത്ഥികൾ പലരും അദ്ധ്യാപകർക്ക് സമ്മാനങ്ങൾ കൊടുക്കുക പതിവാണ് . എന്നാൽ വളരെ വ്യത്യസ്തവും ആകർഷകവുമായ ഒരു സമ്മാനമാണ് രാമപുരം മാർ ആഗസ്തീനോസ് കോളേജിലെ ബി കോം രണ്ടാം വർഷ വിദ്യാർത്ഥിയായ ശ്രാവൺ ചന്ദ്രൻ ടി ജെ ഇത്തവണ അദ്ധ്യാപകർക്കു സമ്മാനിച്ചത്.
അംഗൻവാടി മുതലേ ശ്രാവൺ ചിത്രകലയിൽ പ്രാഗൽഭ്യം തെളിയിച്ചിരുന്നു . കലോത്സവങ്ങളിലും ചിത്രരചനാ മത്സരങ്ങളിലും ശ്രാവൺ നിറസാന്നിധ്യമായിരുന്നു. പ്രൊഫഷണലായി ചിത്ര രചന പഠിച്ചിട്ടില്ല എന്നതും ശ്രാവണിനെകുറിച്ചു എടുത്തുപറയേണ്ട കാര്യം തന്നെയാണ്.
.കുടുംബാംഗങ്ങളും അദ്ധ്യാപകരും സുഹൃത്തുക്കളും എല്ലാവരും ചിത്രകലയിൽ തനിക്ക് അങ്ങേയറ്റം പ്രോത്സാഹനവും സ്നേഹവും സഹായവും നല്കാറുണ്ടെന്ന് ശ്രാവൺ പറയുന്നു. പത്താം ക്ലാസിൽ പഠിക്കുമ്പോൾ സംസ്ഥാന ഐ റ്റി മേളയിൽ എ ഗ്രേയ്ഡും ഉം സംസ്ഥാന കലോത്സവത്തിൽ ഒന്നാം സ്ഥാനവും ശ്രാവൺ കരസ്ഥമാക്കിയിട്ടുണ്ട്.
തൻറെ സീനിയേഴ്സിന്റെ പ്രചോദനവും ആശയവും ഉൾക്കൊണ്ടാണ് ശ്രാവൺ ഇത്തരമൊരു ചിത്രം തയാറാക്കിയത്. കോളേജ് മാനേജർ റവ.ഡോ. ജോർജ് വർഗ്ഗീസ് ഞാറക്കുന്നേൽ പ്രിൻസിപ്പൽ ഡോ. ജോയ് ജേക്കബ്, മറ്റു സ്റ്റാഫ് അംഗങ്ങളും ശ്രാവണിന്റെ ചിത്രരചനയെ പ്രശംസിച്ചു.
0 Comments