കാർഷിക രംഗത്ത് സഭയുടെ ഇടപെടൽ മഹത്തരം : മാണി സി.കാപ്പൻ. എം.എൽ.എ

കാർഷിക രംഗത്ത് ആശ്വാസം പകരുന്ന പ്രവർത്തനങ്ങളിൽ മറ്റാരിലും മുൻപിലാണ് കത്തോലിക്കാ സഭയെന്ന് മാണി.സി.കാപ്പൻ. എം.എൽ.എ. പ്രസ്താപിച്ചു.   

.ഓണാ ഘോഷവേളയിൽ ജനങ്ങൾക്ക് ശുദ്ധമായ പച്ചക്കറികളും പഴവർഗ്ഗങ്ങളും ഭക്ഷ്യ ഉൽപ്പന്നങ്ങളും സമയബന്ധിതമായി വിതരണം ചെയ്യുവാൻ സർക്കാർ സംവിധാനങ്ങൾക്കൊപ്പം അഥവാ ഒരു ചുവടു മുൻപിൽ നിൽക്കാൻ സഭയുടെ സാമൂഹ്യപ്രവർത്തനങ്ങൾക്ക് കഴിയുന്നതായും പാലാ സോഷ്യൽ വെൽഫെയർ സൊസൈറ്റി ഈ രംഗത്ത് മാതൃകയാണെന്നും അദ്ദേഹം ചൂണ്ടിക്കാട്ടി.

.കർഷകർക്ക് വേണ്ടി പൊതുവേയും ബഫർസോൺ മേഖലയിൽ കഷ്ടപ്പെടുന്ന കുടിയേറ്റ കർഷകർക്കായും തീരദേശ മേഖലയിൽ ഏറെ ആശങ്കപ്പെടുന്ന മത്സ്യ കർഷകർക്ക് വേണ്ടിയിട്ടും സഭ ഒരേപോലെ എടുക്കുന്ന നിലപാട് ഏറെ അഭിനന്ദനീയമാണെന്നും അദ്ദേഹം കൂട്ടിച്ചേർത്തു.

.ഈ വർഷത്തെ ഓണാഘോഷ പരിപാടികളോടനുബന്ധിച്ച് പാലാ രൂപതയിലെ 52 ഇടവക പള്ളികളോട് ചേർന്ന് ആരംഭിക്കുന്ന കർഷക ഓണവിപണികളുടെ ഉദ്ഘാടനം പാലായിൽ നിർവഹിച്ചു സംസാരിക്കുകയായിരുന്നു അദ്ദേഹം.

. അഗ്രിമ കർഷക ഓപ്പൺ മാർക്കറ്റിൽ വികാരി ജനറാൾ മോൺ. ജോസഫ് തടത്തിലിന്റെ അധ്യക്ഷതയിൽ ചേർന്ന സമ്മേളനത്തിൽ പാലാ സോഷ്യൽ വെൽഫെയർ സൊസൈറ്റി ഡയറക്ടർ ഫാ. തോമസ് കിഴക്കേൽ , അസിസ്റ്റൻറ് ഡയറക്ടർ .ഫാ. ജോസഫ് താഴ്ത്തുവരിക്കയിൽ , ഡാന്റീസ് കൂനാനിക്കൽ , സിബി കണിയാമ്പടി, ജോയി മടിക്കാങ്കൽ, പി .വി. ജോർജ് പുരിയിടം തുടങ്ങിയവർ പ്രസംഗിച്ചു.

 മാനുവൽ ആ ലാനി, സാജു വടക്കേൽ , ജോസ് നെല്ലിയാനി, എ.ബി.സെബാസ്റ്റ്യൻ, എബിൻ ജോയി, ക്ലാരീസ് ചെറിയാൽ , ഷീബാ ബെന്നി, സൗമ്യ ജയിംസ്, ആലീസ് ജോർജ്, ജോസുകുട്ടി കണ്ടത്തിൽ, ജസ്റ്റിൻ ജോസഫ് , അനു റജി, മഞ്ജു ജസ്റ്റിൻ തുടങ്ങിയവർ പരിപാടിക്ക് നേതൃത്വം കൊടുത്തു.