Latest News
Loading...

തിടനാട്ട് മരണപ്പെട്ട സിറിലിന്റെ സംസ്‌കാരം ബുധനാഴ്ച

തിടനാട്ട് കാര്‍ തോട്ടില്‍ വീണു മരിച്ച തിടനാട് കിഴക്കേല്‍ പരേതനായ ജോസിന്റെ മകന്‍ സിറിലിന്റെ സംസ്‌കാരം (35) നാളെ നടക്കും.  വെട്ടിക്കുളത്ത് പാക്കയം തോട്ടില്‍ തിങ്കളാഴ്ച രാത്രിയിലാണ് അപകടമുണ്ടായത്. 


.തിടനാട് ടൗണില്‍ നിന്നും വീട്ടിലേയ്ക്ക് മടങ്ങുന്നതിനിടെ ഇറക്കത്തില്‍ വാഹനം നിയന്ത്രണം വിട്ട് തോട്ടിലേയ്ക്ക് മറിയുകയായിരുന്നു. ശക്തമായ മഴയെത്തുടര്‍ന്ന് തോട്ടില്‍ കനത്ത നീരൊഴുക്ക് ഉണ്ടായിരുന്നു. കലങ്ങിമറിഞ്ഞൊഴുകിയ തോട്ടില്‍ വാഹനം വീണത് ആരും അറിഞ്ഞിരുന്നില്ല. 

.ചൊവ്വാഴ്ച രാവിലെ ഇതുവഴി എത്തിയ ബൈക്ക് യാത്രക്കാരനാണ് കാര്‍ തോട്ടില്‍ കിടക്കുന്നത് കണ്ടത്. ഇയാള്‍ വിവരം അറിയിച്ചതിനെ തുടര്‍ന്ന് സമീപവാസികളെത്തി നടത്തിയ പരിശോധനയിലാണ് കാറിനുള്ളില്‍ യുവാവിനെ കണ്ടെത്തിയത്. 


.കാറിനുള്ളില്‍ കുടുങ്ങിയ നിലയില്‍ ആയിരുന്നു മൃതദേഹം. തിടനാട് പോലീസും ഈരാറ്റുപേട്ട അഗ്‌നിരക്ഷാ സേനയും സ്ഥലത്തെത്തിയാണ് മൃതദേഹം പുറത്തെടുത്തത്. 


മാതാവ് എല്‍സി. ഭാര്യ: ട്രീസ. മക്കള്‍: ലിയാന, ലെവീന. മൃതദേഹം പാലാ ജനറല്‍ ആശുപത്രിയില്‍. സംസ്‌കാരം ബുധനാഴ്ച മൂന്നിന് മണിയംകുളം സെന്റ് ജോസഫ് പള്ളി സെമിത്തേരിയില്‍.