ജില്ലാ പോലീസ് മേധാവി കെ.കാര്‍ത്തിക്കിന്‍റെ നേതൃത്വത്തിൽ ലഹരി വസ്തുക്കളുടെ വില്പന തടയുന്നതിന്റെ ഭാഗമായുള്ള പരിശോധനയിലാണ് സ്കൂൾ കുട്ടികൾക്ക് വില്പനയ്ക്ക് ആയി കൊണ്ടുവന്ന കഞ്ചാവുമായി ഷെബിനെ പോലീസ് പിടികൂടിയത് . പരിശോധനയ്ക്കിടയിൽ ഇയാൾ കഞ്ചാവുമായി രക്ഷപ്പെടാൻ ശ്രമിച്ചെങ്കിലും പോലീസ് ഇയാളെ പിന്തുടർന്ന് പിടികൂടുകയായിരുന്നു.
ഇയാൾക്ക് പള്ളിക്കത്തോട്, കോട്ടയം ഈസ്റ്റ്, മണർകാട്, അയർക്കുന്നം, ഗാന്ധിനഗർ, വാകത്താനം,തിരുവല്ല, കാഞ്ഞിരപ്പള്ളി എന്നീ സ്റ്റേഷനുകളിലായി 15 ഓളം കേസുകള്‍ നിലവിലുണ്ട് . പാമ്പാടി എസ്.ഐ.ലെബിമോന്റെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്.എസ്. ഐ അംഗതൻ, സി.പി.ഓ മാരായ ജയകൃഷ്ണൻ, സാജു പി മാത്യു, അനിൽ എം.ആർ,അനിൽ ടി.എസ്, ബിജേഷ്, അജേഷ്, അനൂപ് പി എസ്, അനൂപ് വി.വി എന്നിവരും സംഘത്തിൽ ഉണ്ടായിരുന്നു.
0 Comments