ഈരാറ്റുപേട്ട മുസ്ലിം ഗേൾസ് ഹയർസെക്കണ്ടറി സ്‌കൂളിന്റെ 56 mw മത് വാർഷിക ആഘോഷവും യാത്രയയപ്പും വിപുലമായ പരിപാടികളോടെ ആഘോഷിച്ചു. കോട്ടയw അഡിഷണൽ പോലീസ് സൂപ്രണ്ട് ശ്രീ എ നസീം സമ്മേളനം ഉത്ഘാടനം ചെയ്തു. ഈരാറ്റുപേട്ട നഗരസഭാ ചെയർമാൻ വി എം സിറാജ് മുഖ്യപ്രഭാഷണം നടത്തി. വൈസ് ചെയര്‍പേഴ്‌സണ്‍ ബല്‍ക്കീസ് നവാസ്, സ്‌കൂൾ മാനേജർ പ്രൊഫ. എം കെ ഫരീദ് , എം.ഇ.ടി സെക്രട്ടറി ഇ മുഹമ്മദ് പ്രിൻസിപ്പൽ മിനി അഗസ്റ്റിൻ , ഹെഡ്മിസ്ട്രസ് വി എൻ ശ്രീദേവി തുടങ്ങിയവർ സംസാരിച്ചു. ചടങ്ങിൽ ഐ. എസ്. ആർ. ഒ സീനിയർ ടെക്‌നിഷ്യനും സ്‌കൂളിലെ പൂർവ വിദ്യാർത്ഥിയുമായ ശ്രീമതി. അംബിക ദേവി ജി.എസ്.എൽ.വി യുടെ ഒരു മാതൃക സ്‌കൂളിന് ഉപഹാരമായി സമർപ്പിച്ചു. സ്‌കൂളിൽ നിന്ന് ഈ വർഷം വിരമിക്കുന്ന അദ്ധ്യാപകരായ ഉമാ ആർ, ജാസ്മിൻ വി എസ്, സാറാ ഉമ്മ .എം.ടി, രാജലക്ഷ്മി വി. കെ , ഐഷ ബീവി സി.എ, ലളിത. സി തുടങ്ങിയവർക്കുള്ള യാത്രയയപ്പും നൽകി.
പി.ടി.എ പ്രസിഡന്റ് ബീമാ നാസർ അധ്യാപക പ്രതിനിധികളായ അരുണ. ബി, ടെസിമോൾമാത്യു , പി. കെ സോഫി, ഇ.വി ശ്രീജ, കെ.എം ജാഫർ , സ്‌കൂൾ ലീഡർ സൂര്യ ഭാമ പി.എ, ഡെപ്യൂട്ടി ലീഡർ അഫ്ന നൗഷാദ് തുടങ്ങിയവർ സംസാരിച്ചു.
