മാണി സി കാപ്പന് എം.എല്.എ യുടെ ആസ്തി വികസന ഫണ്ടില് നിന്നും 75 ലക്ഷം രൂപ ഉപയോഗിച്ച് നിര്മ്മാണം പൂര്ത്തീകരിച്ചിരിക്കുന്ന പ്രവിത്താനം -പുലിമലക്കുന്ന് റോഡിന്റെ ഉദ്ഘാടനം ഇന്ന് വൈകിട്ട് 4.30ന് ചൂരനോലിക്കല് ജംഗ്ഷനില് വെച്ച് നടക്കും. ഭരണങ്ങാനം പഞ്ചായത്ത് മെമ്പര് വിനോദ് ചെറിയാന് വേരനാനിയുടെ അദ്ധ്യക്ഷതയില് കൂടുന്ന യോഗത്തില് മാണി സി കാപ്പന് എം.എല്.എ ഉദ്ഘാടനം നിര്വഹിക്കും.
പാലാ മുന്സിപ്പാലിറ്റി ഭാഗത്തെ റോഡിന്റെ ഉദ്ഘാടനം നേരത്തെ നടത്തിയിരുന്നു. രണ്ട് റീച്ചായാണ് റോഡ് നിര്മ്മാണം പൂര്ത്തീകരിച്ചിരിക്കുന്നത്. ആകെ 3 കിലോമീറ്റര് ഓളം ഉള്ള റോഡില് മുന്സിപ്പാലിറ്റിയുടെ ഭാഗത്ത് 77 ലക്ഷം രൂപ അനുവദിച്ചിരുന്നു.
സമ്മേളനത്തില് ഭരണങ്ങാനം ഗ്രാമപഞ്ചായത്ത് പ്രസിഡന്റ് ബീന ടോമി ലാളം ബ്ലോക്ക് പഞ്ചായത്ത് വൈസ് പ്രസിഡന്റ് ആനന്ദ് മാത്യു, ഭരണങ്ങാനം ഗ്രാമപഞ്ചായത്ത് ക്ഷേമകാര്യ സ്റ്റാന്ഡിങ് കമ്മിറ്റി ചെയര്പേഴ്സണ് എല്സമ്മ ജോര്ജുകുട്ടി, ചൂണ്ടച്ചേരി സര്വീസ് സഹകരണ ബാങ്ക് വൈസ് പ്രസിഡന്റ് സെന് തേക്കുംകാട്ടില്, ലാളം ബ്ലോക്ക് പഞ്ചായത്ത് മുന് പ്രസിഡന്റ് അഡ്വക്കേറ്റ് ജോസ് ജോസഫ് പ്ലാക്കൂട്ടം, വ്യാപാരി വ്യവസായി ഏകോപന സമിതി പ്രസിഡന്റ് സജി എസ് തെക്കേല്, ടി ആര് ശിവദാസ്, ജോഷി മാത്യു എടേട്ട്, ഷാജിമോന് വി കെ, നിതിന് സി വടക്കന്, അഡ്വക്കേറ്റ് പ്രകാശ് വടക്കന്, അശ്വതി മഹേഷ്, റോയ് പൊടിമറ്റം, ഷാജി കിഴക്കേക്കര, സിബി വട്ടപ്പലം, ഷൈജു പെരുമ്പാട്ട്, ജോയിച്ചന് എടേട്ട്, തുടങ്ങിയവര് പ്രസംഗിക്കും
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments