പൂവത്തോട് അമ്പാറനിരപ്പ് വഴി കെഎസ്ആർടിസി ബസ് സർവീസ് ആരംഭിക്കുന്നു.

കടുത്ത യാത്രക്ലേശം നേരിടുന്ന മീനച്ചിൽ പഞ്ചായത്തിലെ  പൂവത്തോട് തിടനാട് പഞ്ചായത്തിലെ അമ്പാറനിരപ്പ് വഴി കെഎസ്ആർടിസി പുതിയ ബസ് സർവീസ് ആരംഭിക്കുന്നു. ഈരാറ്റുപേട്ടയിൽ നിന്ന് ആരംഭിച്ച് കൊണ്ടൂർ അമ്പാറനിരപ്പ് പൂവത്തോട് വിലങ്ങുപാറ ഭരണങ്ങാനം വഴി പാലായ്ക്ക് പോകുന്ന സർവീസ് ആണ് നാളെ 09/01/25 മുതൽ ആരംഭിക്കുന്നത്. വൈകുന്നേരം 4.20 നാണ് ഈരാറ്റുപേട്ട ഡിപ്പോയിൽ നിന്നും സർവീസ് ആരംഭിക്കുക.

യൂത്ത് ഫ്രണ്ട് എം മീനച്ചിൽ മണ്ഡലം കമ്മിറ്റി നൽകിയ നിവേദനത്തിൽ ജോസ് കെ മാണിയുടെ ഇടപെടലിനെ തുടർന്നാണ് ബസ് സർവീസ് ആരംഭിക്കുവാൻ കെഎസ്ആർടിസി തീരുമാനിച്ചത്. പാലാ ഏ റ്റി ഓ അശോക് ഈരാറ്റുപേട്ട ജനറൽ കൺട്രോൾ ഇൻസ്പെക്ടർ മോഹൻദാസ് എന്നിവർ സർവീസ് ആരംഭിക്കുന്നതിന് നേതൃത്വം നൽകി. നിലവിൽ ഒരു സർവീസ് ആണ് ആരംഭിക്കുന്നത്  കൂടുതൽ യാത്രക്കാർ ഉണ്ടാകുന്ന പക്ഷം കൂടുതൽ സർവീസുകൾ ആരംഭിക്കുമെന്ന് കെഎസ്ആർടിസി അറിയിച്ചു.  

നിരവധി യാത്രക്കാരാണ് ആവശ്യത്തിന് ബസ് സർവീസ്സുകൾ ഇല്ലാത്തതു മൂലം വഴിയിൽ കാത്തുനിൽക്കുന്നത് ഈ അവസ്ഥ ഒഴിവാക്കുന്നതിനാണ് യൂത്ത് ഫ്രണ്ടിന്റെ നേതൃത്വത്തിൽ നിവേദനം നൽകിയത്. ബസ് സർവീസ് ആരംഭിക്കുന്നതിന് നേതൃത്വം നൽകിയ ജോസ്  കെ മാണി എം പിയേയും യൂത്ത് ഫ്രെണ്ട് എം പ്രവർത്തകരായ ബിബിൻ ആന്റണി. ജിന്റു അറയ്ക്കപ്പറമ്പിൽ, ടോബി തൈപറമ്പിൽ, ആന്റോ വെള്ളപ്പാട്ട്, മാർട്ടിൻ ചിലമ്പൻകുന്നേൽ.

 എബ്രഹാം പുല്ലൻതാനിയിൽ. എന്നിവരെയും. കെഎസ്ആർടിസി ഉദ്യോഗസ്ഥരെയും പൗരാവലി അനുമോദിച്ചു.

 വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ