അന്തര്‍ സര്‍വകലാശാല ഫൈനല്‍ നാളെ. കേരള മദ്രാസ് ഫൈനല്‍

പാലാ സെന്റ് തോമസ് കോളേജില്‍ നടന്നുവരുന്ന അഖിലേന്ത്യ അന്തര്‍ സര്‍വകലാശാല പുരുഷ വിഭാഗം വോളിബോള്‍ ഫൈനല്‍ നാളെ വൈകുന്നേരം ആറുമണിക്ക് നടക്കും. ഇന്ന് നടന്ന ഒന്നാം സെമിഫൈനലില്‍ കേരള യൂണിവേഴ്‌സിറ്റി 5 സെറ്റ് നീണ്ടുനിന്ന  വാശിയേറിയ ആവേശ പോരാട്ടത്തില്‍ എസ് ആര്‍ എം യൂണിവേഴ്‌സിറ്റി ചെന്നൈയെ മറികടന്നാണ് ഫൈനലില്‍ എത്തിയത്. സ്‌കോര്‍ 25-18, 20-25, 25-21, 24-26, 15-13.

മദ്രാസ് യൂണിവേഴ്‌സിറ്റിയും  കുരുക്ഷേത്ര യൂണിവേഴ്‌സിറ്റിയും തമ്മിലുള്ള രണ്ടാം സെമി ഫൈനലില്‍  ഒന്നിനെതിരെ മൂന്നു സെറ്റുകള്‍ക്ക് കീഴടക്കിയാണ് മദ്രാസ് ഫൈനല്‍ മത്സരത്തിന് യോഗ്യത നേടിയത്. സ്‌കോര്‍ 19-25, 25-20, 26-24, 25-19.

ഇന്ന് 3.30ന് നടക്കുന്ന ലൂസ്‌ഴ്‌സ് ഫൈനലില്‍ എസ് ആര്‍ എം യൂണിവേഴ്‌സിറ്റി ചെന്നൈ കുരുക്ഷേത്ര യൂണിവേഴ്‌സിറ്റിയെ നേടും. 

 വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ