സ്വാതന്ത്ര്യസമരസേനാനി കുഞ്ഞൂട്ടി പാപ്പനെ ഫ്രാൻസിസ് ജോർജ് എംപി ആദരിച്ചു

105 വയസ്സുള്ള സ്വാതന്ത്ര്യസമരസേനാനിയെ ഫ്രാൻസിസ് ജോർജ് എംപി ആദരിച്ചു.  വെള്ളിയേപ്പള്ളി കല്ലൂകുന്നിലെ  105 വയസ്സുള്ള കുഞ്ഞൂട്ടി പാപ്പനെ വീട്ടിലെത്തിയാണ് എം പി ആദരിച്ചത്. പ്രായത്തിൽ അവശതയേറാത്ത മനസ്സുമായി ഇപ്പോഴും ചുറുചുറുക്കോടെ നടക്കുന്ന ജോസഫ് ജോസഫ് എന്ന കുഞ്ഞുട്ടി പാപ്പൻ  സ്വാതന്ത്ര്യ സമര സേനാനി കൂടിയാണ്.

 കോളേജിൽ പഠിച്ചിരുന്ന കാലഘട്ടത്തിലാണ് സ്വാതന്ത്ര്യസമര വേദിയിലേക്ക് കടന്നുചെന്നത് തുടർന്ന്  പഠനവും മുടങ്ങി  സജീവ കോൺഗ്രസ് പ്രവർത്തകനായിരുന്നു കുഞ്ഞുട്ടി പാപ്പനെ അടുപ്പമുള്ള കൂട്ടുകാർ സ്നേഹത്തോടെ പനമ്പള്ളി എന്നാണ് വിളിച്ചിരുന്നത്. 

 പ്രൊഫസർ കെ എം ചാണ്ടി ഉൾപ്പെടെയുള്ള ഉന്നത കോൺഗ്രസ് നേതാക്കളുമായി അടുത്ത ബന്ധം ഉണ്ടായിരുന്നു. കുഞ്ഞൂട്ടി പാപ്പനൊപ്പം മക്കളും കൊച്ചുമക്കളും കുടുംബ സുഹൃത്തായ അലക്സ്മേനാ പറമ്പിലും ചേർന്നാണ് mp യെ സ്വീകരിച്ചത്

 വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ