സംസ്ഥാനത്തുടനീളം ചീറിപാഞ്ഞ് നടന്ന കെ.എം മാണിയുടെ ഇന്നോവ കാര്‍ വീണ്ടും രാജ്യമൊട്ടാകെ പര്യടനത്തിനിറങ്ങുന്നു. കെഎം മാണിയുടെ മരുമകളും ജോസ് കെ മാണിയുടെ ഭാര്യയുമായ നിഷ ജോസ് കെ മാണിയാണ് ഇത്തവണ വാഹനത്തിലുണ്ടാവുക. സ്തനാര്‍ബുദത്തിനെതിരെയുള്ള സന്ദേശവുമായാണ് കെഎം മാണിയുടെ കെഎല്‍ 06- 1616 ഇന്നോവ കാര്‍ രാജ്യമൊട്ടാകെ സഞ്ചരിക്കുക. കാരുണ്യസന്ദേശയാത്രയുടെ സ്റ്റിക്കര്‍ പതിച്ച കാര്‍ നടി മിയ ജോര്‍ജ്ജ് അനാവരണം ചെയ്തു.
കെ.എം മാണിയുടെ കാരുണ്യമനസിനൊപ്പമുള്ള യാത്രയാണിതെന്ന് നിഷ പറയുന്നു. അതുകൊണ്ടാണ് ഈ യാത്രയ്ക്ക് കാരുണ്യ സന്ദേശയാത്ര എന്ന പേര് നല്കിയത്. സ്തനാര്‍ബ്ബുദ ബോധവല്കരണ യജ്ഞമാണ് ലക്ഷ്യം. ഈ രോഗത്തെ കുറിച്ച് സത്രീകള്‍ സ്വയം ബോധമുള്ളവരാകേണ്ടതിന്റെ ആവശ്യകത ഓര്‍മിപ്പിച്ചുകൊണ്ടാണ് ഈ യാത്രയെന്നും നിഷ പറയുന്നു.
തിരുവന്തപുരത്ത് നിന്നും നാളെ യാത്രയ്ക്ക് തുടക്കമാകും. രാവിലെ 11.15ന് ഗവ. വിമന്‍സ് കോളേജില്‍ നിന്നാരംഭിക്കുന്ന യാത്ര ആരോഗ്യവകുപ്പ് മന്ത്രി വീണ ജോര്‍ജ്ജ് ഫ്‌ളാഗ് ഓഫ് ചെയ്യും.
വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ
0 Comments