Latest News
Loading...

ആനന്ദ് ജോസഫ് വെള്ളൂക്കുന്നേല്‍ തലപ്പലം ഗ്രാമപഞ്ചായത്ത് പ്രസിഡന്റ്



തലപ്പലം ഗ്രാമ പഞ്ചായത്ത് പ്രസിഡന്റായി ആനന്ദ് ജോസഫ് വെള്ളൂക്കുന്നേലിനെ എതിരില്ലാതെ തിരഞ്ഞെടുത്തു. തിങ്കളാഴ്ച്ച നിശ്ചയിച്ച തിരഞ്ഞെടുപ്പ് ഇടത് -ബിജെപി സംയുക്തമായി ബഹിഷ്‌കരിച്ചതിനാല്‍ കോറം തികയാതെ വന്നതിനാല്‍ തിരഞ്ഞെടുപ്പ് ഇന്നത്തേക്ക് മാറ്റുകയായിരുന്നു.ഇന്നും പ്രതിപക്ഷം ഒരുമിച്ച് ചേര്‍ന്നു തിരഞ്ഞെടുപ്പില്‍ നിന്നും വിട്ട് നിന്നു.


യൂ.ഡി. എഫ് ധാരണ പ്രകാരം ഇന്ത്യന്‍ നാഷണല്‍ കോണ്‍ഗ്രസ്സ് (ഐ )അംഗമായ എല്‍സമ്മ തോമസ് രാജി വെച്ച ഒഴിവിലാണ് ഇന്ത്യന്‍ നാഷണല്‍ കോണ്‍ഗ്രസ്സ് (ഐ)ലെ തന്നെ ആനന്ദ് ജോസഫ് പ്രസിഡന്റ് ആയത്.പ്രസിഡന്റ് സ്ഥാനത്തു ആദ്യ മൂന്ന് വര്‍ഷം അനുപമ വിശ്വാനാഥ്,  നാലാം വര്‍ഷം എല്‍സമ്മ തോമസ്, അഞ്ചാം വര്‍ഷം ആനന്ദ് ജോസഫ് ഇങ്ങനെയാണ് യുഡിഫ് ധാരണ.




പ്രസിഡന്റ് സ്ഥാനത്തേക്ക് മത്സരിക്കാന്‍ പോലുമുള്ള സംവിധാനം ഇടതു ബിജെപി സംവിധാനത്തിന് ഇല്ലാതായത് ഇവരുടെ രാഷ്ട്രീയ ദയനീയവസ്ഥ തുറന്നു കാണിച്ചുവെന്ന് കോണ്‍ഗ്രസ് (ഐ)മണ്ഡലം പ്രസിഡന്റ് ഗോപാലകൃഷ്ണന്‍ നായര്‍ അഭിപ്രായപ്പെട്ടു.
അഞ്ചു വര്‍ഷവും കേരള കോണ്‍ഗ്രസ്സ് ജോസഫ് വിഭാഗത്തിനാണ് വൈസ് പ്രസിഡന്റ് പദവി.

 വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ


   




Post a Comment

0 Comments