കേന്ദ്ര-സംസ്ഥാന സർക്കാരുകളുടെ റബർ കർഷകരോടു കാണിക്കുന്ന വഞ്ചനയിൽ പ്രതിഷേധിച്ച് കേരളാ കോൺഗ്രസ് കോട്ടയം ജില്ല കമ്മിറ്റിയുടെ നേതൃത്വത്തിൽ റബ്ബർ കർഷകർ വഞ്ചനാദിനം ആചരിച്ചു. രാമപുരം ജംഗ്ഷനിൽ നടന്ന വഞ്ചന ദിനാചരണം കേരള കോൺഗ്രസ് പാർട്ടിയുടെ സംസ്ഥാന എക്സിക്യൂട്ടീവ് ചെയർമാൻ അഡ്വ. മോൻസ് ജോസഫ് എംഎൽഎ ഉദ്ഘാടനം ചെയ്തു. കേന്ദ്രസർക്കാർ റബർ കർഷകർക്ക് ഇൻസെന്റീവ് നൽകാതെയും സംസ്ഥാന സർക്കാർ റബർ വില സ്ഥിരത ഫണ്ട് ഉയർത്താതെയും റബർ കർഷകരെ വഞ്ചിക്കുകയാണെന്ന് അദ്ദേഹം പറഞ്ഞു. കേന്ദ്രസർക്കാർ റബ്ബർ ഇറക്കുമതി ചുങ്കത്തിൽ നിന്നും ലഭിക്കുന്ന പണം റബർ കർഷകർക്ക് റബ്ബർ ബോർഡ് വഴി വിതരണം ചെയ്യണമെന്നും ഇടതുമുന്നണി കഴിഞ്ഞ തിരഞ്ഞെടുപ്പ് കാലത്ത് റബർ കർഷകർക്ക് 250 രൂപയ്ക്ക് റബർ സംഭരിക്കുമെന്ന് നൽകിയ വാഗ്ദാനം പാലിക്കണമെന്നും അദ്ദേഹം ആവശ്യപ്പെട്ടു.
കേരളാ കൊണ്ഗ്രെസ്സ് ജില്ലാ പ്രസിഡന്റ് അഡ്വ. ജയ്സൺ ജോസഫ് ഒഴുകയിൽ അധ്യക്ഷത വഹിച്ചു. പാർട്ടി സംസ്ഥാന സെക്രട്ടറി ജനറൽ അഡ്വ ജോയ് എബ്രഹാം എക്സ് എംപി മുഖ്യ പ്രഭാഷണം നടത്തി.പാർട്ടി നേതാക്കളായ ഇ ജെ ആഗസ്തി, കെ എഫ് വർഗീസ്,തോമസ് കണ്ണന്തറ, ജോർജ് പുളിങ്കാട്, മാഞ്ഞൂർ മോഹൻകുമാർ,പോൾസൺ ജോസഫ്, അഡ്വ പ്രിൻസ് ലൂക്കോസ്, മുത്തുക്കുട്ടി പ്ലാത്താനം,മജു പുളിക്കൻ, തോമസ് ഉഴുന്നാലി, സന്തോഷ് കാവുകാട്ട്,ബിനു ചെങ്ങളം, സി വി തോമസുകുട്ടി, ആന്റണി തുപ്പലഞ്ഞി,എബി പൊന്നാട്ട്, മത്തച്ചൻ പുതിയിടത്ത് ചാലിൽ തുടങ്ങിയവർ പ്രസംഗിച്ചു.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments