പ്രശസ്ത മൃദംഗവിദ്വാൻ തലനാട് മനുവിൻ്റെ ഷഷ്ഠ്യബ്ദപൂർത്തി 22-ാം തിയതി ഞായറാഴ്ച പാലാ മുനിസിപ്പൽ ടൗൺഹാളിൽ നടത്തുമെന്ന് സംഘാടകർ പത്രസമ്മേളനത്തിൽ അറിയിച്ചു. കഴിഞ്ഞ നാല് പതിറ്റാണ്ടായി മൃദംഗകലാകാരൻ എന്ന നിലയിൽ കേരളമാകെ അറിയപ്പെടുന്ന മൃദംഗവിദ്വാനാണ് തലനാട് മനു. 22-ന് രാവിലെ 9 ന് ഗുരുസ്മരണ നടക്കും. തുടർന്ന് തലനാട് മനുവിന്റെ ശിഷ്യൻമാർ ചേർന്ന് മൃദംഗ ലയവിന്യാസം നടത്തും.
രാവിലെ 10 ന് നെല്ലായി കെ. വിശ്വനാഥന്റെ വയലിൻ കച്ചേരി. 11.30 ന് നടക്കുന്ന ഷഷ്ഠ്യബ്ദപൂർത്തി ആഘോഷസമ്മേളനം മാണി സി. കാപ്പൻ എം.എൽ.എ. ഉദ്ഘാടനം ചെയ്യും. പ്രൊഫ. പാറശ്ശാല രവി അധ്യക്ഷത വഹിക്കും. തന്റെ ഗുരുക്കൻമാർക്ക് തലനാട് മനു ദക്ഷിണ നൽകി ആദരിക്കും. ഫാ. തോമസ് വെടിക്കുന്നേൽ, രോഹിണി ഉണ്ണികൃഷ്ണൻ, പ്രൊഫ. പൊൻകുന്നം രാമചന്ദ്രൻ, വി. തങ്കപ്പൻ, ണിഭായ് ശ്രീജിത്ത് നമ്പൂതിരി, ജയന്തൻ നമ്പൂതിരി, അഡ്വ. ലാൽ പുളിക്കക്കണ്ടം, കണ്ണൻ ശ്രീകൃഷ്ണവിലാസം, കയ്യൂർ സുരേന്ദ്രൻ, ഫാ. കുര്യാക്കോസ് കാപ്പിലി പ്പറമ്പിൽ, പ്രൊഫ. വൈക്കം പി.എസ്. വേണുഗോപാൽ, പ്രൊഫ. കടനാട് വി. കെ. ഗോപി, മുല്ലക്കര സുഗുണൻ, സുനിൽകുമാർ ഇടയാറ്റ്. ജിൻസ് ഗോപിനാഥ്. ഗൗതം മഹേഷ്, ജോജി വി.പി., അയ്യമ്പാറവിള കൃഷ്ണൻ. കെ.ബി. അനീഷ് കുമാർ, ശിവപ്രസാദ് തുടങ്ങിയവർ ആശംസകൾ നേരും.
പ്രമുഖർ ചേർന്ന് തലനാട് മനുവിനെ പൊന്നാട അണിയിച്ചാദരിക്കും. തുടർന്ന് സംഗീതാർച്ചനയുമുണ്ട്. തലനാട് നെല്ലിയേക്കു ന്നേൽ കുടുംബത്തിൽ എൻ.ഡി. മാത്യു - ഏലിക്കുട്ടി ദമ്പതികളുടെ മകനാണ് തലനാട് മനു. തൃപ്പൂണിത്തുറ ആർ.എൽ.വി. കോളേജിൽ നിന്നും മൃദംഗത്തിൽ ഒന്നാം ക്ലാസോടെ ഗാനഭൂഷണം പാസായി. 1991 ൽ തിരുവനന്തപുരം സ്വാതി തിരുനാൾ സംഗീത കോളേജിൽ നിന്നും ഗാനപ്രവീണയും പാസായി. പാല ക്കാട് ചെമ്പൈ സംഗീത കോളേജിൽ അധ്യാപകനായിരുന്നു.
മാവേലിക്കര വേലിക്കുട്ടി നായർ, പാറശ്ശാല രവി, വൈക്കം പി.എസ്. വേണുഗോപാൽ, കട നാട് വി.കെ. ഗോപി എന്നിവരുടെ ശിഷ്യനാണ്. കേരളത്തിലും പുറത്തും അറി യപ്പെടുന്ന സംഗീതജ്ഞരുടെ കച്ചേരികൾക്കെല്ലാം മൃദംഗത്തിൽ പക്കമൊരുക്കി യിട്ടുണ്ട്. ആകാശവാണി ഗ്രേഡ് ആർട്ടിസ്റ്റാണ്. 2024 ലെ കേരള കൗമുദി പുര സ്കാരം, പാലാ മുരിക്കുംപുഴ ദേവിക്ഷേത്രത്തിൻ്റെ മൃദംഗശിരോമണി അവാർഡ് ഉൾപ്പെടെ നിരവധി പുരസ്കാരങ്ങൾ ലഭിച്ചിട്ടുണ്ട്. സംഗീത അധ്യാ പിക ജയ മനുവാണ് ഭാര്യ. വിദ്യാർത്ഥികളായ ആദിത്യ മനു. ആദിഷ് മനു എന്നിവർ മക്കളാണ്.
പത്രസമ്മേളനത്തിൽ കെ.ബി. അനീഷ് കുമാർ, ബിജു മൂന്നാനപ്പള്ളി എന്നിവ രോടൊപ്പം തലനാട് മനുവും പങ്കെടുത്തു.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments