സി.എസ്. ഐ. ഈസ്റ്റ് കേരള മഹായിടവകയുടെ 14-ാമത് കാർഷികോത്സവം നവംബർ 22 വെള്ളയാഴ്ച്ച മേലുകാവ്മറ്റം കെയ്ലിലാൻ്റ് സെൻ്റ് ലൂക്ക്സ് സി.എസ്. ഐ. പള്ളിയിൽ ആരംഭിക്കും. മഹായിടവക ബിഷപ് റൈറ്റ് റവ. വി.എസ്. ഫ്രാൻസിസ് അദ്ധ്യക്ഷത വഹിക്കും. മദ്ധ്യകേരള മഹായിടവക ബിഷപ് റൈറ്റ് റവ. ഡോ. മലയിൽ സാബു കോശി ചെറിയാൻ ഉദ്ഘാടനം ചെയ്യും.
ബിഷപ് റവ. ഡോ. കെ.ജി. ദാനീയേൽ അനുഗ്രഹ പ്രഭാഷണം നടത്തും. 2 മണി മുതൽ സ്റ്റാളുകളുടെ പ്രദർശനവും വിപണ നവും ഉണ്ടായിരിക്കും. 5 മണിക്ക് ഉദ്ഘാടന സമ്മേളനം നടത്തപ്പെടും തുടർന്ന് കലാ സന്ധ്യയും നടത്തപ്പെടും.
തുടർന്ന് "അടുക്കളത്തോട്ടം , വിഷരഹിത പച്ചക്കറി " എന്ന വിഷയത്തിൽ ഡിപ്പാർട്ട്മെൻ്റ് ഓഫ് അഗ്രികൾച്ചറൽ ആൻ്റ് മിഷ്യൻ ഡയറക്ടർ തോമസ് ശാമുവേൽ സെമിനാർ നയിക്കും. ഉപ്പുതറ കൃഷി ഓഫീസർ ധന്യ ഐസക് കാർഷിക ക്വിസ് പ്രോഗ്രാന് നേതൃത്വം നൽകും.
സമാപന സമ്മേളനം കേരള കാർഷിക വികസന കർഷകക്ഷേമ വകുപ്പ് മന്ത്രി പി. പ്രസാദ് ഉദ്ഘാടനം ചെയ്യും. മഹായിടവകയിലെ ഏറ്റവും മികച്ച കർഷകനുള്ള കർഷകോത്തമ അവാർഡ്, ഗ്രീൻ പാരീഷ് അവാർഡ്, ഭവനോദ്യാന അവാർഡ് , യുവ കർഷക അവാർഡ് കൾ നൽകും.
ഫ്രാൻസിസ് ജോർജ് എം.പി. , ഡീൻ കുര്യാക്കോസ് എം.പി., മാണി സി കാപ്പൻ എം.എൽ. എ , വാഴൂർ സോമൻ എം.എൽ. എ തുടങ്ങിയവർ വിവിധ അവാർഡുകൾ വിതരണം ചെയ്യും.
മാഹായിടവക വൈദീക സെക്രട്ടറി റവ. ടി.ജെ. ബിജോയ്, അത്മായ സെക്രട്ടറി പി. വർഗ്ഗീസ് ജോർജ് , രജിസ്ട്രാർ ടി. ജോയ്കുമാർ ട്രെഷറാർ റവ. പി.സി. മാത്യൂക്കുട്ടി ജനറൽ കൺവീനർമാരായ റവ. റോയ് പി. തോമസ്, റീസ് ജോൺ, ജോൺ സാം പി. എന്നിവർ പ്രോഗ്രാമുകൾക്ക് നേതൃത്വം നൽകും.
സമർപ്പിത കാർഷികോത്പന്നങ്ങളുടെ രൊക്കവില ലേലവും നടത്തപ്പെടുന്നതാണ്.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments