സിപിഐ എം 24ാം പാർട്ടി കോൺഗ്രസിന് മുന്നോടിയായുള്ള പാലാ ഏരിയ സമ്മേളനത്തിന് നഗരം ഒരുങ്ങി.18 മുതൽ 21 വരെ പാലായിലാണ് സമ്മേളനം. ഒന്നര പതിറ്റാണ്ടിന് ശേഷമാണ് ഏരിയ സമ്മേളനത്തിന് നഗരം വേദിയാകുന്നത്. 21ന് കുരിശുപള്ളി ജംങ്ഷനിൽ (കൊടിയേരി ബാലകൃഷ്ണൻ നഗർ) ചേരുന്ന പൊതുസമ്മേളനം പൊളിറ്റ് ബ്യൂറോ അംഗം എ വിജയരാഘവൻ ഉദ്ഘാടനം ചെയ്യും.
ഏരിയാ സമ്മേളന നഗറുകളിൽ സ്ഥാപിക്കാനുള്ള കൊടി, കൊടിമരം, കപ്പികയർ, ബാനർ, ഛായാചിത്ര ജാഥകൾ 18ന് എത്തും.പൊതുസമ്മേളന നഗറിലേക്കുള്ള പതാക 18ന് വൈകിട്ട് വെളിയന്നൂരിലെ വി ആർ ചന്ദ്രശേഖരൻനായർ, എം എം രഞ്ചൻ സ്മൃതിമണ്ഡപത്തിൽനിന്ന് സി കെ രാജേഷിന്റെ നേതൃത്വത്തിലും പ്രതിനിധി സമ്മേളന നഗറിലേക്കുള്ള പതാക ഉഴവൂരിലെ സോമനാഥപിള്ളയുടെ സ്മൃതി മണ്ഡപത്തിൽനിന്ന് സജിമോൻ കുര്യാക്കോസിന്റെ നേതൃത്വത്തിലും ജാഥയായി എത്തിക്കും.
പൊതുസമ്മേളന നഗറിലേക്കുള്ള കൊടിമരം പി എൻ കുമാരൻ, കെ ജി കേശവൻ സ്മൃതിമണ്ഡപത്തിൽനിന്ന് എം ടി ജാന്റീഷിന്റെയും പ്രതിനിധി സമ്മേളന നഗറിലേക്കുള്ള കൊടിമരം കടപ്ലാമറ്റത്തെ കെ ഒ വാസുദേവൻ സ്മൃതിമണ്ഡപത്തിൽനിന്ന് സെബാസ്റ്റ്യൻ ജോസഫിന്റെയും നേതൃത്വത്തിൽ എത്തിക്കും.
പൊതുസമ്മേളന നഗറിലേക്കുള്ള കപ്പിയും കയറും മീനച്ചിലിലെ പി വി രാഘവപ്പണിക്കരുടെ സ്മൃതി മണ്ഡപത്തിൽനിന്ന് ജിനു ജോർജിന്റെയും പ്രതിനിധി സമ്മേളന നഗറിലേക്കുള്ള കപ്പിയും കയ റും കൊഴുവനാലിലെ കെ എം മാത്യു സ്മൃതിമണ്ഡപത്തിൽനിന്ന് സെന്നി സെബാസ്റ്റ്യന്റെയും നേതൃത്വത്തിൽ എത്തിക്കും.
പൊതുസമ്മേളന നഗറിലേക്കുള്ള ബാനർ മുത്തോലിയിലെ ഒ ടി ദേവസ്യ, സുമതി സോമൻ സ്മൃതി മണ്ഡപത്തിൽനിന്ന് കെ എസ് പ്രദീപ്കുമാറിന്റെയും പ്രതിനിധി സമ്മേളന നഗറിലേക്കുള്ള ബാനർ മരങ്ങാട്ടുപിള്ളിയിലെ കെ എൻ നീലകണ്ഠൻ നമ്പൂതിരിയുടെ സ്മൃതിമണ്ഡപത്തിൽനിന്ന് കെ ഡി ബിനീഷിന്റെയും നേതൃത്വത്തിൽ എത്തിക്കും. പ്രതിനിധി സമ്മേളന നഗറിലേയ്ക്കുള്ള വി ജി സലിയുടെ ഛായാചിത്രം കരൂരിലെ വി ജി സലി സ്മൃതി മണ്ഡപത്തിൽനിന്ന് ജിൻസ് ദേവസ്യയുടെ നേതൃത്വത്തിൽ എത്തിക്കും.19ന് രാവിലെ ഒൻപതിന് പാലാ തെക്കേരയിലെ എം ശ്രീധരന്റെ സ്മൃതിമണ്ഡപത്തിൽനിന്ന് ദീപശിഖാ പ്രയാണം തുടങ്ങും. കെ അജി ക്യാപ്ടനാകും.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments