എ.എസ്. ചന്ദ്രമോഹനന്‍ രചിച്ച് പാപ്പാത്തി ബുക്സ് പ്രസിദ്ധീകരിക്കുന്ന `ഹൃദയഗാഥ' എന്ന കവിത സമാഹാരത്തിന്‍റെ പ്രകാശനം പ്രശസ്ത ചലച്ചിത്ര പിന്നണി ഗായകന്‍ ജി. വേണുഗോപാലിന് പുസ്തകം കെെമാറിക്കൊണ്ട്, ലാലിച്ചന്‍ ജോര്‍ജ് പാലായില്‍ നിര്‍വ്വഹിച്ചു.
.കേരള സാംസ്കാരിക സമിതി പ്രസിഡന്‍റ് അഡ്വ. ആര്‍.മനോജിന്‍റെ അദ്ധ്യക്ഷതയില്‍ എ.ഡി.ബാങ്ക് ഓഡിറ്റോറിയത്തില്‍ ചേര്‍ന്ന യോഗത്തില്‍ പ്രശസ്ത പുസ്തക നിരൂപകന്‍ ഡോ. കെ.ബി. ശെല്‍വമണി പുതിയ പുസ്തകം പരിചയപ്പെടുത്തി. താലൂക്ക് ലെെബ്രറി കൗണ്‍സില്‍ സെക്രട്ടറി റോയി ഫ്രാന്‍സീസ് , പുരോഗമന കലാ സാഹിത്യസംഘം മേഖലാ സെക്രട്ടറി അഡ്വ. വി.ജി.വേണുഗോപാല്‍, കെ. എസ്. രാജു, സനല്‍ ചകപാണി, സന്ദീപ് കെ.രാജ് എന്നിവര്‍ പ്രസംഗിച്ചു. സെക്രട്ടറി ബെന്നി മെെലാടൂര്‍ സ്വാഗതവും എ.എസ്. ചന്ദ്രമോഹനന്‍ നന്ദിയും പറഞ്ഞു.
.കേരള സാംസ്ക്കാരിക സമിതി ഏര്‍പ്പെടുത്തിയ 2022-23 ലെ മികച്ച കവിത സമാഹാരത്തിനുള്ള പാലാ നാരായണന്‍ നായര്‍ അവാര്‍ഡ് രശ്മി പ്രകാശും നിരൂപണത്തിനുള്ള ജോസഫ് മുണ്ടശ്ശേരി അവാര്‍ഡ് ഡോ. കെ.ബി. ശെല്‍വമണിയും, കഥാ സമാഹാരത്തിനുള്ള വെെക്കം മുഹമ്മദ് ബഷീര്‍ സ്മാരക അവാര്‍ഡ് വി.എസ്. അജിത്തും, കവിത സമാഹാരത്തിനുള്ള ലളിതാംബിക അന്തര്‍ജനം സ്പെഷ്യല്‍ ജൂറി അവാര്‍ഡ് സുനില്‍ മാലൂരും ജി. വേണുഗോപാലില്‍ നിന്നും ഏറ്റുവാങ്ങി.
🔰🔅🔰🔅🔰🔅🔰
മറ്റ് ഗ്രൂപ്പ് അംഗങ്ങളിൽ നിന്നും നിങ്ങളുടെ നമ്പർ മറച്ചു വയ്ക്കാൻ ആഗ്രഹിക്കുന്നുവോ ? കൂടുതൽ സ്വകാര്യത ലഭിക്കുന്ന വാട്സ് ആപ്പ് കമ്മ്യൂണിറ്റിയിൽ അംഗമാകൂ.
വാർത്തകളും പരസ്യങ്ങളും
നൽകാൻ
എന്ന നമ്പരിൽ ക്ലിക്ക് ചെയ്യുക
0 Comments