പൂഞ്ഞാറില്‍ വെള്ളക്കെട്ട് . ഗതാഗതം തടസ്സപ്പെട്ടു

പൂഞ്ഞാര്‍ മേഖലയില്‍ അനുഭവപ്പെടുന്ന ശക്തമായ മഴയില്‍ പൂഞ്ഞാര്‍ പള്ളിവാതില്‍ പ്രദേശത്ത് റോഡില്‍ വലിയ വെള്ളക്കെട്ട്. ഇതേ തുടര്‍ന്ന് ഇവിടെ ഗതാഗതം തടസ്സപ്പെട്ടു. വാഹനങ്ങള്‍ കടന്നുപോകാന്‍ കഴിയാത്ത തരത്തിലാണ് ഇവിടെ വെള്ളം കയറിയിരിക്കുന്നത്. 

.വെട്ടിപ്പറമ്പ് വഴി വാഹനങ്ങള്‍ കടന്നുപോകുന്നതിനിടെ ഈ റോഡിലും ഗതാഗതക്കുരുക്കാണ് അനുഭവപ്പെടുന്നത്. ചെറിയ റോഡില്‍ ഇരുവശത്തേയ്ക്കും വാഹനങ്ങള്‍ക്ക് പോകാനുള്ള വീതിയില്ലാത്തതാണ് കുരുക്കിന് കാരണമാകുന്നത്. 

.ഓട അടയുന്നതാണ് പള്ളിവാതില്‍ക്കല്‍ മേഖലയിലെ വെള്ളക്കെട്ടിന് കാരണമാകുന്നത്. ആറ്റില്‍ ജലനിരപ്പ് ഉയര്‍ന്നാലും ഈ പ്രദേശത്ത് വെള്ളക്കെട്ട് രൂക്ഷമാകും. ഈ മാസം ആദ്യം പെയ്ത മഴയിലും പള്ളിവാതില്‍ പ്രദേശത്ത് ഗതാഗതം തടസ്സപ്പെട്ടിരുന്നു.

.മുന്‍പ് കെഎസ്ആര്‍ടിസി ബസിനെ മുക്കിയ ചരിത്രവും ഇവിടെ വെള്ളക്കെട്ടിനുണ്ട്. അന്ന് ഒരാള്‍ പൊക്കത്തോളം ഇവിടെ വെള്ളമുയര്‍ന്നിരുന്നു. 

നാല് മണിയോടെ ഗതാഗതം പുനഃസ്ഥാപിച്ചു.

Wacth Video- https://fb.watch/f8n5GfOjQb/

.