പൂഞ്ഞാര് പള്ളിവാതില് ഭാഗത്തെ വെള്ളകെട്ടിന് പരിഹാരംകാണാനുള്ള ശ്രമങ്ങള് ആരംഭിച്ചു. കലുങ്കുകളും ഓടയും അടഞ്ഞതാണ് വെള്ളക്കെട്ടിന് കാരണമെന്ന് വ്യക്തമായതോടെ ഈ തടസങ്ങള് ഒഴിവാക്കാനുള്ള നടപടികള്ക്കാണ് തുടക്കമായത്.
.ഇതിന് തടയിടുകയെന്ന ലക്ഷ്യത്തോടെ ആശുപത്രിയ്ക്ക് മുന്നിലെ ഓട തുറന്ന് വൃത്തിയാക്കാന് നടപടി തുടങ്ങി. ഇവിടെ ഓട മണ്ണും മാലിന്യങ്ങളും നിറഞ്ഞ അവസ്ഥയിലാണ്. ഇവ കോരി മാറ്റുന്നതോടെ വെള്ളമൊഴുക്ക് സുഗമാകുകയും റോഡിലൂടെ താഴേയ്ക്ക് ഒഴുകുന്നതിന് പരിഹാരമാവുകയും ചെയ്യും.
പള്ളിയ്ക്ക് എതിര്വശം സൂപ്പര് മാര്ക്കറ്റിന് മുന്പിലുള്ള കലുങ്ക് ഇന്നലെ തുറന്നിരുന്നു. ഇവിടെ ഒരു സ്ലാബ് ഒടിഞ്ഞ് വെള്ളമൊഴുക്ക് തടസ്സപ്പെട്ടതാണ് ഇവിടെ വെള്ളക്കെട്ടിന് പ്രധാനകാരണം. ഇത് ക്ലീന്ചെയ്ത് തടസ്സം പരിഹരിച്ചു. പള്ളിവാതില് വെയ്റ്റിങ് ഷെഡിന് സമീപം, വെള്ളം ഒഴുകി പോകുവാനുള്ള ഓവിന് വലിപ്പം കൂട്ടുകയും ചെയ്തു.
.വെട്ടിപ്പറമ്പ് പഴയ റോഡ് ഭാഗത്തു നിന്ന് വരുന്ന തോടിന്റെ, പള്ളിയുടെ മുന് ഭാഗത്തുള്ള കലുങ്ക് ആണ് ഇപ്പോഴും പ്രധാന പ്രശ്നം . അടഞ്ഞുകിടക്കുന്ന ഈ കലുങ്ക് തുറന്നു വിടാന് സാധിച്ചിട്ടില്ല. ഈരാറ്റുപേട്ട - പൂഞ്ഞാര് റോഡില് ഉണ്ടായിരുന്ന പഴയ കലുങ്ക് വളരെ ചെറുതായിരുന്നു. ഹൈവേ നിര്മിച്ച സമയത്ത് വലിപ്പം കൂട്ടി നിര്മിക്കാതെ പഴയത് നിലനിര്ത്തി റോഡ് പൂര്ത്തിയാക്കുകയായിരുന്നു. ഇതോടെ കലുങ്ക് കാലാക്രമണ അടഞ്ഞു പോവുകയായിരുന്നു
0 Comments