പാലാ നഗരസഭയിലെ കോൺഗ്രസ് കൗൺസിലർമാർ സിപിഎം അംഗങ്ങളുമൊത്തു വിനോദയാത്രയ്ക്കു പോയതിൽ കടുത്ത അതൃപ്തി പ്രകടിപ്പിച്ചു ഡിസിസി. കോൺഗ്രസ് കൗൺസിലർമാരോടു വിശദീകരണം ചോദിക്കും. സാധാരണ പ്രവർത്തകരുടെ മനോവീര്യം ഇവർ കെടുത്തി.
വിഷയം കെപിസിസിയുടെ ശ്രദ്ധയിലെത്തിക്കുമെന്നും നാട്ടകം സുരേഷ് പറഞ്ഞു.
കെ റെയിൽ വിഷയം കത്തി നിൽക്കുന്ന സാഹചര്യത്തിൽ യാത്ര ഒഴിവാക്കാമായിരുന്നുവെന്നു ഡിസിസി അധ്യക്ഷൻ നാട്ടകം സുരേഷ് പ്രതികരിച്ചു.
കഴിഞ്ഞ മാസം 20നായിരുന്നു നഗരസഭയുടെ വിനോദ യാത്ര. ഞായറാഴ്ച വാഗമണ്ണില്ലാണ് കൗണ്‍സിലര്‍മാര്‍ ചുറ്റിയടിച്ചത്. അതേസമയം, സിപിഎം വേദിയില്‍ തരൂര്‍ അടക്കമുള്ള നേതാക്കളെ മുന്‍പ് നേതൃത്വം വിലക്കിയരുന്നു. ഈ സാഹചര്യത്തിലാണ് കൗണ്‍സിലര്‍മാരുടെ ഒന്നിച്ചുള്ള യാത്ര. പാര്‍ട്ടിയ്ക്ക് വേണ്ടി കഷ്ടപ്പെടുന്നവരെ വേദനിപ്പിക്കുന്ന നടപടിയെന്നാണ് ഡിസിസി പ്രസിഡന്‍റ് ഇതിനെ കണ്ടത്. സിപിഎം ക്രൂരതയെ നേരിടുന്ന സാധാരണക്കാര്‍ക്കിട്ട് തിരിച്ചടിക്കുന്ന നടപടിയായാണ് വിനോദയാത്രയെ കാണുന്നത്.
സിപിഎമ്മുമായി ചേര്‍ന്ന് കൂറുമുന്നണിയായി പ്രവര്‍ത്തിക്കുന്നുവെന്നും ആരോപണം ഡിസിസിയ്ക്ക് ലഭിച്ചിട്ടുണ്ട്.
.jpeg)
0 Comments