ന്യൂനമര്‍ദ്ദം ശക്തമായി. 3 ദിവസം കനത്ത മഴയ്ക്ക് സാധ്യത

കേരളത്തിൽ മാർച്ച് 5, 6, 7 തീയതികളിൽ ഒറ്റപ്പെട്ട മഴക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പു നൽകി. തെക്കൻ ബംഗാൾ ഉൾക്കടലിൽ നിലനിന്നിരുന്ന ന്യൂനമർദം ഇന്നു രാവിലെയോടെ തീവ്രന്യൂനമർദമായി ശക്തിപ്രാപിച്ചു.

തെക്കു പടിഞ്ഞാറൻ ബംഗാൾ ഉൾക്കടലിൽ ശ്രീലങ്കയ്ക്ക് 470 കി.മി അകലെ തെക്ക്-തെക്കു കിഴക്കായും തമിഴ്നാട് നാഗപ്പട്ടണത്തിനു 760 കി.മി അകലെ തെക്ക്-തെക്കു കിഴക്കായും ചെന്നൈയ്ക്ക് 950 കി.മി അകലെ തെക്ക്-തെക്കു കിഴക്കായുംമാണ് ന്യൂനമര്‍ദ്ദം ഇപ്പോഴുള്ളത്. 

അടുത്ത 24 മണിക്കൂറിനുള്ളിൽ അതി തീവ്രന്യൂനമർദമായി വീണ്ടും ശക്തി പ്രാപിച്ചു വടക്കു പടിഞ്ഞാറു ദിശയിൽ സഞ്ചരിച്ചു ശ്രീലങ്കയുടെ കിഴക്കൻ തീരം വഴി തമിഴ്നാടിന്റെ വടക്കൻ തീരത്തേക്ക് നീങ്ങാൻ സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.