ഏറ്റുമാനൂര് പേരൂര് പുളിമൂട് ജംഗ്ഷനിലെ എസ്ബിഐ എടിഎം കൗണ്ടര് തകര്ത്തു മോഷണത്തിന് ശ്രമിച്ച ആലപ്പുഴ സ്വദേശി അപ്പു പോലീസ് പിടിയില്. എ.ടി.എംന്റെ ഉള്ളിൽ സ്ഥാപിച്ചിരുന്ന സിസിടിവി ദൃശ്യങ്ങളിൽ നിന്നും പ്രതിയുടെ ദൃശ്യങ്ങൾ ലഭിച്ചതിനുശേഷം അത് മുൻ കുറ്റവാളികളുടെ ഫോട്ടോകളുമായി താരതമ്യം ചെയ്തതിൽ സമാനരീതിയിൽ കൊല്ലത്ത് ചാമക്കടയിൽ 2020-ൽ എടിഎം തകർത്ത കേസിൽ പ്രതിയായ അപ്പുവിനെ ശിക്ഷിക്കുകയും ഇയാൾ 2022 ജനുവരി മാസം ഒന്നാം തീയതി തിരുവനന്തപുരം സെൻട്രൽ ജയിലിൽ നിന്ന് പുറത്തിറങ്ങിയത് ആണെന്ന് മനസ്സിലാക്കുകയും ചെയ്തു.
ജില്ലാ പോലീസ് മേധാവിയുടെ നിർദ്ദേശാനുസരണം കോട്ടയം ഡെപ്യൂട്ടി പോലീസ് സൂപ്രണ്ട് സന്തോഷ്കുമാറിന്റെ നേതൃത്വത്തിൽ ഏറ്റുമാനൂർ പോലീസ് സ്റ്റേഷൻ ഇൻസ്പെക്ടർ രാജേഷ്കുമാർ, എസ് ഐ പ്രശോഭ്, എ എസ് ഐ പ്രദീപ് , ഗാന്ധിനഗർ പോലീസ് സ്റ്റേഷൻ എസ് സി പി ഒ മാരായ പ്രവീൺ പി നായർ , അനീഷ്. പ്രവിനോ , രാകേഷ്- ഏറ്റുമാനൂർ പോലീസ് സ്റ്റേഷൻ സി പി ഒ മാരായ ജ്യോതി കൃഷ്ണൻ , അഭിലാഷ് എന്നിവരടങ്ങിയ സംഘമാണ് പ്രതിയെ കസ്റ്റഡിയിൽ എടുത്തത്.
0 Comments