Latest News
Loading...

ആശുപത്രി വളപ്പിൽ മരം കടപുഴകി വീണ് വാഹനങ്ങൾ തകർന്നു

ഈരാറ്റുപേട്ട കുടുംബ ആരോഗ്യ കേന്ദ്രത്തിൽ ആശുപത്രി വളപ്പിൽ ഉണ്ടായിരുന്ന മരം കടപുഴകി വീണു മൂന്നു വാഹനങ്ങൾ തകർന്നു. മറിഞ്ഞുവീണ മരത്തിൻറെ ചില്ലകൾ ദേഹത്ത് അടിച്ചു വാക്സിനെടുക്കാൻ എത്തിയ ഒരു കുട്ടിക്കും നിസാര പരിക്കേറ്റു.

.രാവിലെ ഒമ്പതരയോടെ ആയിരുന്നു സംഭവം. ആശുപത്രിയുടെ പ്രവേശന കവാടത്തിന് സമീപമുണ്ടായിരുന്ന മരമാണ് ചുവടെ മറിഞ്ഞുവീണത്. സമീപത്ത് പാർക്ക് ചെയ്തിരുന്ന ടൂവീലറുകൾക്ക് മുകളിലേക്കാണ് മരം വീണത്. രണ്ടു സ്കൂട്ടറുകളും ഒരു ബൈക്കും മരംവീണ് തകർന്നു . 

സംഭവസമയത്ത് ആളുകൾ ഇല്ലാതിരുന്നതിനാൽ വലിയ അപകടം ഒഴിവായി. മരം വീണ് സ്കൂട്ടറുകൾക്ക് സാരമായ തകരാർ സംഭവിച്ചിട്ടുണ്ട്.