മുതിര്ന്ന നടി കോഴിക്കോട് ശാരദ അന്തരിച്ചു. 75 വയസ്സ് ആയിരുന്നു. ശ്വാസ തടസ്സത്തെ തുടര്ന്ന് കഴിഞ്ഞ ദിവസം മെഡിക്കല് കോളേജ് ആശുപത്രിയില് പ്രവേശിപ്പിച്ചിരുന്നു. ഹൃദയാഘാതത്തെ തുടര്ന്ന് ആശുപത്രിയില് വെച്ചായിരുന്നു കോഴിക്കോട് ശാരദയുടെ മരണം സംഭവിച്ചത്.
കോഴിക്കോട് ശാരദ സത്യന്, നസീര് അടക്കമുള്ളവര്ക്കൊപ്പവും വെള്ളിത്തിരയില് വേഷമിട്ടിട്ടുണ്ട്. സല്ലാപത്തിലെ വേഷമാണ് കോഴിക്കോട് ശാരദയുടെ ഏറ്റവും മികച്ച കഥാപാത്രമായി കണക്കാക്കപ്പെടുന്നത്. അനുബന്ധം, നാല്ക്കവല, അന്യരുടെ ഭൂമി എന്നീ ചിത്രങ്ങളില് ശ്രദ്ധേയമായ വേഷങ്ങള് അവതരിപ്പിച്ചു.
. ഉത്സവപ്പിറ്റേന്ന്, സദയം, സല്ലാപം, കിളിച്ചുണ്ടന് മാമ്പഴം, അമ്മക്കിളിക്കൂട്, യുഗപുരുഷന്, കുട്ടിസ്രാങ്ക് എന്നിവയുള്പ്പെടെ എണ്പതോളം ചിത്രങ്ങളില് ശാരദ അഭിനയിച്ചിട്ടുണ്ട്. നാടക മേഖലയില് നിന്നാണ് സിനിമയിലെത്തിയത്. ശാരീരിക ബുദ്ധിമുട്ടുകള്മൂലം അവസാന കാലത്ത് സജീവമല്ലായിരുന്നു.
.അങ്കക്കുറി എന്ന ചിത്രത്തിലൂടെ 1979ലാണ് കോഴിക്കോട് ശാരദ ആദ്യമായി വെള്ളിത്തിരയിലെത്തുന്നത്. ഒട്ടേറെ സീരിയലുകളിലും കോഴിക്കോട് ശാരദ അഭിനയിച്ചിട്ടുണ്ട്. മെഡിക്കല് കോളേജ് റിട്ടയര്ഡ് നഴ്സിംഗ് അസിസ്റ്റാണ് കോഴിക്കോട് ശാരദ. ചെറുതെങ്കിലും പ്രേക്ഷകര് ഏറ്റെടുത്ത ഒട്ടേറെ കഥാപാത്രങ്ങള് കോഴിക്കോട് ശാരദ ചെയ്തിട്ടുണ്ട്.
കോഴിക്കോട് ശാരദയ്ക്ക് സിനിമയില് അത്രകണ്ട് ഒട്ടേറെ മികച്ച വേഷങ്ങള് ലഭിച്ചിരുന്നില്ല എന്നതും വാസ്തവം. ചെറുവേഷങ്ങളിലൂടെ സ്വന്തം സാന്നിദ്ധ്യം അടയാളപ്പെടുത്തിയ നടിയാണ് ഇപോള് വിടപറഞ്ഞിരിക്കുന്നത്.
0 Comments