പതിനാലു വയസുകാരി കുഞ്ഞിനു ജന്മം നൽകിയ സംഭവത്തിൽ ബൈസണ്വാലി സ്വദേശിയായ ബന്ധുവിനെ പോലീസ് അറസ്റ്റ് ചെയ്തു. ഇയാൾക്കെതിരേ പോക്സോ വകുപ്പ് ചുമത്തിയാണ് കേസ് രജിസ്റ്റർ ചെയ്തിരിക്കുന്നത്. സെപ്റ്റംബർ 29ന് അടിമാലി താലൂക്ക് ആശുപത്രിയിലാണ് പെണ്കുട്ടി പ്രസവിച്ചത്.
ശാരീരിക ബുദ്ധിമുട്ടുണ്ടായതിനെ തുടർന്നാണ് പെണ്കുട്ടിയെ വീട്ടുകാർ ആശുപത്രിയിൽ എത്തിച്ചത്. തുടർന്ന് കുഞ്ഞിന് ജന്മം നൽകിയത്. പിന്നീട് ചൈൽഡ് ലൈൻ പ്രവർത്തകർ കൗണ്സിലിംഗ് നൽകിയതിനെ തുടർന്നാണ് പീഡിപ്പിച്ച യുവാവിന്റെ വിവരം പെണ്കുട്ടി നൽകിയത്. പെണ്കുട്ടിയുടെ മൊഴിയുടെ അടിസ്ഥാനത്തിൽ പ്രതിയെ പോലീസ് അറസ്റ്റ് ചെയ്യുകയായിരുന്നു.
.പിതാവ് മരിച്ച ശേഷം 2020 മുതൽ പ്രതിയുടെ വീട്ടിലായിരുന്നു പെണ്കുട്ടി താമസിച്ചിരുന്നത്. ഇതിനിടെയാണ് പീഡനം നടന്നത്. പെണ്കുട്ടിയുടെയും കുഞ്ഞിന്റെയും സംരക്ഷണം ജില്ലാ ശിശുക്ഷേമ സമിതിയും ചൈൽഡ് ലൈനും ഏറ്റെടുത്തിട്ടുണ്ട്.
0 Comments