തിരുവോണനാളില് പാലാ നഗരം വ്യത്യസ്ത പ്രതിഷേധ സമരം കൊണ്ട് ശ്രദ്ധേയമായി. കേരള കോണ്ഗ്രസിന്റെ അധികാര ദുര്വിനിയോഗത്തിനും, പ്രതികാര രാഷ്ട്രീയത്തിനുമെതിരെ സമൂഹ മനസാക്ഷിയുണര്ത്താന് മാണി സി കാപ്പന് എംഎല്എ ഉണ്ണാവ്രത സത്യാഗ്രഹം നടത്തിയപ്പോള് എംഎല്എയ്ക്ക് സത്ബുദ്ധിയുണ്ടാകാന് കേരള യൂത്ത് ഫ്രണ്ട് മെഴുകുതിരിതെളിച്ച് മുട്ടില് നിന്ന് സമരം നടത്തി. ഉണ്ണാവ്രത സമരം മോന്സ് ജോസഫ് എംഎല്എയും മുട്ടിന്മേല് സമരം സെബാസ്റ്റ്യന് കുളത്തുങ്കന് എംഎല്എയും ഉദ്ഘാടനം ചെയ്തു.
പാലാ ളാലം പാലം ജംഗ്ഷനിലായിരുന്നു മാണി സി കാപ്പന് എംഎല്എയുടെ ഉണ്ണാവ്രത സത്യാഗ്രഹം. അധികാരമുപയോഗിച്ച് രാഷ്ട്രിയ എതിരാളികളെ കള്ളക്കേസില് കുടുക്കുന്ന നടപടിക്കെതിരെയായിരുന്നു യുഡിഎഫിന്റെ നേതൃത്വത്തില് മാണി സി കാപ്പന് സമരം. നടത്തിയത്. സോഷ്യല് മീഡിയായിലൂടെയുണ്ടായ അധിക്ഷേപമായിരുന്നു സമരത്തിനാധാരം. മാണി സി കാപ്പനും യുഡിഎഫ് നേതാക്കള്ക്കുമെതിരെയുള്ള സൈബര് ആക്രമണങ്ങള്ക്കെതിരെ പരാതി നല്കുന്നുണ്ടെങ്കിലും പൊലീസ് കേസെടുക്കുനില്ലന്നാണ് യുഡിഎഫ് പറയുന്നത്.
.മറിച്ചുള്ള സംഭവത്തില് യുഡിഎഫ് പ്രവര്ത്തകര്ക്കെതിരെ പൊലിസ് ജാമ്യമില്ലാ വകുപ്പുകളനുസരിച്ച് കേസെടുക്കുകയും ചെയ്യും. അധികാരമുപയോഗിച്ചുള്ള കേരള കോണ്ഗ്രസിന്റെ പ്രതികാരരാഷ്ട്രിയ മാണിതെന്ന് ആരോപിച്ചായിരുന്നു സമരം. മോന്സ് ജോസഫ് എംഎല്എ ഉണ്ണാവ്രത സമരം ഉദ്ഘാടനം ചെയ്തു. യുഡിഎഫിലുള്ളവരെ തിരഞ്ഞ് പിടിച്ച് വേട്ടയാടാനാണ് ജോസ് വിഭാഗത്തിന്റെ ഉദ്ദേശമെങ്കില് ഒന്ന് ചേര്ന്ന് ചെറുത്ത് തോല്പിക്കുമെന്ന് മോന്സ് ജോസഫ് പറഞ്ഞു. Watch Video
.ജോസ് വിഭാഗത്തിന്റെ സൈബര് ആക്രമണത്തിനിരയായ നിരവധി ആളുകള് ഉള്ളപ്പോള് പരിശുദ്ധന്റെ വേഷമിടാനാണ് ജോസ് കെ മാ ണിയുടെ നീക്കമെങ്കില് തിരഞ്ഞെടുപ്പിലെ തിരിച്ചടിയെക്കാള് അധികമായി ബഹുജനങ്ങളെ പങ്കെടുപ്പിച്ച് പോരാടുമെന്നും അദ്ദേഹം പറഞ്ഞു. യുഡിഎഫ് കോട്ടയം ജില്ലാ ചെയ്യര്മാന് സജി മഞ്ഞകടമ്പില് ഉദ്ഘാടന ചടങ്ങില് അധ്യക്ഷത വഹിച്ചു. പ്രതികാര രാഷ്ടിയം പാലായില് ഇനി അനുവദിക്കുകയില്ലെന്ന് മാണി സി കാപ്പാന് എംഎല്എ പറഞ്ഞു. തനിക്കെതിരെ സൈബര് ആക്രമണം നടത്തിയവര്ക്കെതിരെ നടപടിയാവശ്യപെട്ട് മുഖ്യമന്ത്രിക്ക് വരെ പരാതി കൊടുക്കേണ്ട സ്ഥിതിയാണ് ഉള്ളതെന്നും മാണി സി കാപ്പന് പറഞ്ഞു. ജോയി എബ്രാഹം, ജോസഫ്, ജോഷി ഫിലിപ്, എംപി കൃഷ്ണന് നായര്, സാജു ഫിലിപ്പ്, ജോര്ജ് പുളിങ്കാട് ഘടക കക്ഷി നേതാക്കള് തുടങ്ങിയവര് സംബന്ധിച്ചു.
. ജനറല് ആശുപതി പടിക്കലായിരുന്നു യൂത്ത് ഫ്രണ്ട് പ്രവര്ത്തകര് സമരം നടത്തിയത്. മാണി സി കാപ്പന് mla ക്ക് സത്ബുദ്ധിയുണ്ടാകുന്നതിന് വേണ്ടി മെഴുകുതിരിതെളിച്ച് മുട്ടില് മേല് നിന്നായിരുന്നു യൂത്ത് ഫ്രണ്ടിന്റെ സമരം. സെബാസ്റ്റ്യന് കുളത്തുങ്കല് MLA സമരം ഉദ്ഘാടനം ചെയ്തു. ക്രിമിനലുകളെ സംരക്ഷിക്കുന്ന നിലപടാണ് പാലാ എംഎല്എയ്ക്ക് ഉള്ളതെന്ന് സെബാസ്റ്റ്യന് കുളത്തുങ്കല് പറഞ്ഞു. Watch Video
യൂത്ത് ഫ്രണ്ട് മണ്ഡലം പ്രസിഡന്റ് ദേവന് കളത്തിപറമ്പില് അധ്യക്ഷത വഹിച്ചു. യൂത്ത് ഫ്രണ്ടിന്റെയും കേരള കോണ്ഗ്രസ് പാര്ട്ടിയുടെയും ജില്ലാ സംസ്ഥാന നേതാക്കളും ജനപ്രതിനിധികളും സമരത്തിന് നേതൃത്വം നല്കി
0 Comments