കേരളം മികച്ച വ്യവസായ സൗഹൃദ സംസ്ഥാനമാണെന്ന് മുഖ്യമന്ത്രി പിണറായി വിജയൻ. വിവിധ വകുപ്പുകളുടെ പരിശോധന സംബന്ധിച്ച് കിറ്റെക്സിന്റെ പരാതി രംഗത്ത് നിലനില്ക്കെയാണ് മുഖ്യമന്ത്രിയുടെ ട്വിറ്റര് പോസ്റ്റ്. രാജ്യത്തെ മികച്ച വ്യവസായ സൗഹൃദ സംസ്ഥാനങ്ങളിലൊന്നാണ് കേരളം. വ്യവസായ സൗഹൃദ നയം എല്ഡിഎഫ് തുടരുമെന്നും അദ്ദേഹം പറഞ്ഞു.
വ്യവസായി ഹര്ഷ് ഗോയങ്കെയുടെ ട്വീറ്റിന് മറുപടിയായാണ് മുഖ്യമന്ത്രിയുടെ ട്വീറ്റ്. കേരളത്തിലെ ഏറ്റവും വലിയ തൊഴില്ദാതാക്കള് തങ്ങളാണെന്നും സര്ക്കാരില്നിന്ന് നല്ല പിന്തുണയാണ് ലഭിക്കുന്നതെന്നുമാണ് വ്യവയായി ഹര്ഷ് ഗോയങ്ക ട്വീറ്റ് ചെയ്തത്. വ്യവസായങ്ങളുടെ സുസ്ഥിരമായ നിലനിൽപ്പ് സർക്കാർ ഉറപ്പാക്കുമെന്നും മുഖ്യമന്ത്രി ട്വീറ്റ് ചെയ്തു.
തുടരെ തുടരെ പരിശോധന നടത്തി തൊഴില്വകുപ്പ് പീഡിപ്പിക്കുകയാണെന്നും താന് 3,500 കോടിയുടെ നിക്ഷേപം പിന്വലിക്കുകയാണെന്നും സാബു എം ജേക്കബ് കഴിഞ്ഞ ദിവസം പറഞ്ഞിരുന്നു. ഈ സാഹചര്യത്തിലാണ് മുഖ്യമന്ത്രിയുടെ ട്വീറ്റ് എന്നതും ശ്രദ്ധേയമാണ്.
0 Comments