കുഴഞ്ഞുവീണ് മരിച്ച നാട്ടു വൈദ്യൻ മോഹനൻ വൈദ്യർക്ക് (65) കോവിഡ് സ്ഥിരീകരിച്ചു. മരണത്തിന് ശേഷം നടത്തിയ പരിശോധനയിലാണ് കോവിഡ് സ്ഥിരീകരിച്ചത്. മൃതദേഹം കോവിഡ് മാനദണ്ഡ പ്രകാരം സംസ്കരിക്കും.
ശനിയാഴ്ച കരമനയിലെ ബന്ധുവീട്ടിലാണ് ഇദ്ദേഹം കുഴഞ്ഞുവീണത്. രണ്ട് ദിവസം മുൻപാണ് ഇവിടെ എത്തിയത്. കോവിഡ് ലക്ഷണങ്ങളോടെയായിരുന്നു മരണം. രാവിലെ പനിയും ഛർദ്ദിയുമുണ്ടായി. കടുത്ത ശ്വാസതടസവും നേരിട്ടു.
വൈകിട്ടോടെ കുഴഞ്ഞു വീണപ്പോൾ ബന്ധുക്കൾ നാട്ടുകാരെ വിവരമറിയിച്ചു. ഇവർ അറിയിച്ചതിനെത്തുടർന്ന് പോലീസ് എത്തിയപ്പോൾ മരിച്ച നിലയിൽ കണ്ടെത്തുകയായിരുന്നു. കൊട്ടാരക്കര സ്വദേശിയായ മോഹനൻ വൈദ്യർ 25 വർഷമായി ചേർത്തല മതിലകത്താണ് താമസം.
0 Comments