Latest News
Loading...

തലനാടൻരുചി കൂട്ടമായി തലനാടിന്റെ സ്വന്തം ജനകീയ ഹോട്ടൽ

കോട്ടയം .സംസ്ഥാന സര്‍ക്കാരിന്റെ വിശപ്പുരഹിതം പദ്ധതിയുടെ ഭാഗമായി കഴിഞ്ഞ വർഷം  ഏപ്രിൽ മാസത്തിൽ  കുടുംബശ്രീയുടെ ആഭിമുഖ്യത്തിൽ ആരംഭിച്ച ജനകീയ ഹോട്ടലിന്  പുതിയ മുഖം നൽകി   ഗ്രാമപഞ്ചായത്ത് പ്രസിഡന്റ് രജനി സുധാകരൻ .   തലനാട് ഊളയ്‌ക്കൽകട ജംഗ്ഷനിൽ നവീകരിച്ച ജനകീയ ​ ഹോട്ടൽ ഗ്രാമപഞ്ചായത്ത് പ്രസിഡൻറ് രജനി സുധാകരൻ  ഉദ്ഘാടനം ചെയ്തു. 

ഗ്രാമപഞ്ചായത്ത് വൈസ് പ്രസിഡൻറ് സോളി ഷാജി  അധ്യക്ഷത വഹിച്ചു. കുടുംബശ്രീ ചെയർപേഴ്സൺ ഉഷാകുമാരി ഭദ്രദീപം തെളിച്ചു  , ഗ്രാമപഞ്ചായത്ത്  മെമ്പർമാരായ വത്സമ്മ ഗോപിനാഥ്,  , രോഹിണി ഭായി ഉണ്ണികൃഷ്ണൻ  , ബിന്ദു , ദിലീപ് കുമാർ,  , റോബിൻ ജോസഫ്, മുൻ ഗ്രാമപഞ്ചായത്ത് പ്രസിഡന്റ് ബാബു പണ്ടംകല്ലുങ്കൽ, വിനോദ് അടക്കാകല്ലിൽ , ജോണി ആലനി,  വി.ഇ.ഓ. ആകാശ് തുടങ്ങിയവർ പങ്കെടുത്തു. 

കഴിഞ്ഞ ലോക് ഡൗൺ കാലഘട്ടത്തിൽ  20 രൂപയ്ക്ക് രുചികരമായ ഊണും, മിതമായ നിരക്കിൽ മറ്റ് നാടൻ വിഭവങ്ങളമായി  പരിമിതമായ സൗകര്യങ്ങളിൽ ആരംഭിച്ച ഈ ഹോട്ടൽ രുചികരമായ ഭക്ഷണം  ലഭ്യമായി തുടങ്ങിയപ്പോൾ തിരക്കും വർധിച്ചു. തുടർന്ന് ഗ്രാമപഞ്ചായത്ത് പ്രസിഡന്റിന്റെ    നിർദ്ദേശപ്രകാരം  സൗകര്യപ്രദമായ പുതിയ ഹോട്ടൽ യാഥാർഥ്യമാക്കി.