വീട്ടുമുറ്റത്തെ കിണറ്റില്‍ മണ്ണെണ്ണയൊഴിച്ച് ക്രൂരത

 



പാലാ മുരിക്കുംപുഴയില്‍ വയോധികയുടെ വീട്ടിലെ കിണറ്റില്‍ മണ്ണെണ്ണ ഒഴിച്ചു മലിനപ്പെടുത്തി.  രാത്രിയുടെ മറവിലാണ് സാമൂഹ്യവിരുദ്ധരുടെ ക്രൂരത അരങ്ങേറിയത്.

മുരിക്കുംപുഴ 14-ാം വാര്‍ഡില്‍ പെടുന്ന കല്ലാനിക്കുന്നേല്‍ രമയുടെ വീട്ടിലെ കിണറ്റിലാണ് സാമൂഹ്യവിരുദ്ധര്‍ മണ്ണെണ്ണ കലര്‍ത്തിയത്.



സമീപത്തെ ഇരുപതോളം കുടുംബങ്ങള്‍ ഈ കിണറ്റില്‍ നിന്നും വെള്ളമെടുത്താണ് ഭക്ഷണം പാകം ചെയ്യുന്നതിനും കുടിക്കുന്നതിനും ഉപയോഗിച്ചിരുന്നത്.



 പാലാ നഗരസഭാ ചെയര്‍പേഴ്‌സണ്‍ മേരി ഡൊമിനിക്, കൗണ്‍സിലര്‍ ബിനു പുളിക്കക്കണ്ടം എന്നിവരും സ്ഥലത്തെത്തിയിരുന്നു. പോലീസില്‍ പരാതി നല്‍കുമെന്ന് വീട്ടമ്മ പറഞ്ഞു.