കിഫ്ബി ഓഡിറ്റിംഗ് സിഎജിയെ കൊണ്ട് നടത്തില്ല എന്ന സംസ്ഥാന സര്ക്കാര് നിലപാട് അഴിമതിയുടെ വലിയ തെളിവാണെന്ന് ബിജെപി ദേശീയ എക്സിക്യൂട്ടീവ് കമ്മറ്റിയംഗം പി.കെ കൃഷ്ണദാസ്. പാലായില് മാധ്യമങ്ങളോട് സംസാരിക്കുകയായിരുന്നു അദ്ദേഹം. കിഫ്ബി വിദേശത്ത് നിന്നും കോടികള് വായ്പ എടുത്തിരിക്കുന്നു.സിപിഎം സംസ്ഥാന സമിതിയല്ല സര്ക്കാരാണ് ഗ്യാരന്റി. പിന്നെ എന്തു കൊണ്ടാണ് കണക്ക് പുറത്ത് വിടാത്തതെന്നും കൃഷ്ണദാസ് ചോദിച്ചു.
കോടികളുടെ കുംഭകോണമാണ് നടക്കുന്നതെന്ന് ബിജെപിയ്ക്ക് സംശയമുണ്ട്. എന്തുകൊണ്ടാണ് വരവ് ചിലവ് കണക്കുകള് പുറത്ത് വിടാത്തത്. ഇതൊന്നും സുതാര്യമല്ല. ധനമന്ത്രിക്ക് ഗൂഢലക്ഷ്യമുണ്ട് എന്ന് സംശയിക്കാം. ഒരു പക്ഷേ കേരളം കണ്ടതില് ഏറ്റവും വലിയ കുംഭകോണമായിരിക്കാം കിഫ്ബി യുടെ മസാല ബോണ്ടെന്നും അദ്ദേഹം പറഞ്ഞു. തൊഴിലുറപ്പ് പദ്ധതിയുടെ സോഷ്യല് ഓഡിറ്റിംഗ് നടത്തില്ലെന്ന നിലപാടാണ് സര്ക്കാര് സ്വീകരിച്ചിരിക്കുന്നത്. മുഖ്യമന്ത്രി ഇതിന് കാരണം വ്യക്തമാക്കണം. തൊഴിലുറപ്പ് പദ്ധതിയില് സോഷ്യല് ഓഡിറ്റിംഗ് നടക്കാത്ത ഏക സംസ്ഥാനം കേരളമാണ്. സോഷ്യല് ഓഡിറ്റിംഗ് നടത്താത്തത് സംബന്ധിച്ച് സി.ബി.ഐ അന്വേഷണം നടത്തണമെന്നും അദ്ദേഹം ആവശ്യപ്പെട്ടു.
പാലാ തെരഞ്ഞെടുപ്പില് കേരളത്തില് രാഷ്ട്രീയ പരിവര്ത്തനത്തിന് വഴിയൊരുക്കുന്നതായിരിക്കും. ലോക് സഭാ തെരഞ്ഞെടുപ്പില് നരേന്ദ്ര മോദിക്കൊപ്പം അണിനിരക്കാത്തതില് കേരളത്തിലെ ജനങ്ങള്ക്ക് പശ്ചാത്താപമുണ്ട്. ഇത് പാലായില് പ്രതിഫലിക്കും. പാലാരിവട്ടം പാലം അഴിമതിയില് ഉദ്യോഗസ്ഥര്ക്കെതിരെ കേസ് എടുക്കുമ്പോള് രാഷ്ട്രീയ നേതൃത്വം മാറ്റിനിര്ത്തപ്പെടുകയാണ്. തിരുവനന്തപുരവും കൊച്ചിയും കേന്ദ്രീകരിച്ച് ചര്ച്ചകള് നടക്കുന്നുണ്ടെന്നും അതിനാലാണ് രാഷ്ട്രീയക്കാര്ക്കെതിരെ കേസ് എടുക്കാന് വൈകുന്നതെന്നും അദ്ദേഹം പറഞ്ഞു. വീഡിയോ കാണാം... https://circle.page/post/1342090?utm_source=an&person=fYvu
